प्रेरितां रे कम्म 8:22 - चम्बयाली नौआ नियम

²² इधेरे तांइ अपणे मन री इन्हा बुरी गल्लां का तौबा कर ते प्रभु का प्रार्थना कर, मुमकिन है कि तेरे मन री बुरी गल्लां जो माफ करी दित्ती जाए।

प्रेरितां रे कम्म 8:22 ပူးပေါင်းရင်းမြစ်များ

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

प्रेरितां रे कम्म 8:20

पतरस ने तिसजो बोल्लेया, “तू ते तेरे पैसे मुकी जाण, किजोकी तैं परमेश्वर रे दान जो पैसे कने खरीदणे री गल्ल सोची।

प्रेरितां रे कम्म 9:11

तां प्रभु यीशु ने तिसजो बोल्लेया, उठ ते सीद्दा नां री गली बिच यहूदा रे घरे जा, तित्ते शाऊल नां रे इक्क तरसुस रे रैह्णे वाले मणू जो तोप, किजोकी से प्रार्थना करेया करदा है,

रोमियों 2:4

कै तुसा परमेश्वर री भलाई, सहनशीलता, ते सबर करणे रे धन्न जो बेकार समजदे? कै तू ए नी समजदा कि परमेश्वर री भलाई तुसा जो पाप्पां का तौबा करणे जो सिखांदी?

इब्रानियों 4:12

किजोकी परमेश्वर रा वचन जिन्दा, असरदार ते कुसकी भी दोधारी तलवार का जादा पैन्ना है, से आत्‍मा ते प्राण, ते जिस्म रे जोड़ां ते चर्बी रे आरपार छेदी रखदा, ते मन री इच्छा ते गल्लां जो परखदा।

प्रकाशित वाक्य 2:21

मैं तिसजो तिसेरे पाप्पां का तौबा करणे का मौक्का दित्तेया पर से अपणे अनैतिक कम्म करणे का बाज नी आंदी।