प्रेरितां रे कम्म 8:13 - चम्बयाली नौआ नियम

¹³ तां शमौन ने अप्पु भी विश्वास कित्तेया ते बपतिस्मा लेई करी फिलिप्पुस कने रैह्णा लग्गेया ते चिन्ह-चमत्कार दिख्खी करी हैरान हुदां थिया।

प्रेरितां रे कम्म 8:13 ပူးပေါင်းရင်းမြစ်များ

मत्ती 3:6

तिन्हा लोक्कां ने अपणे-अपणे पाप्पां का तौबा करी के यरदन नदी बिच यूहन्ना बपतिस्मा दैणे वाला का बपतिस्मा लित्तेया।

मरकुस 16:17

विश्वास करणे वालेयां रे ए निशानियां होणी कि तिन्हा मेरे नां कने दुष्टात्मा जो कढ़णा, नौई-नौई भाषा बोलणी,

लूका 8:13

जे बीह् पथरिली मिट्टी पर पे थिये, से तिन्हा मणूआं सांई हुन्दे जे वचनां जो बड़े मजे कने सूणदे अते तिन्हा पर चलणा भी लग्गी पैंदे, पर वचन तिन्हेरे मना बिच पकड़ नी बणाई पांदा ते किच्‍छ बेल्ले तांइ से वचना पर विश्वास तां करदे पर, जां परखिणे रा बेल्ला आन्दा तां से बहकी जादें।

यूहन्ना 5:20

किजोकी परमेश्वर पिता पुत्तर कने प्यार करदा कने जे-जे कम्म से करदा, से सारे तिसजो दिखांदा है कने से इसका का भी बड्डे-बड्डे कम्म तिसजो दिखांगा ताकि तुसा हैरान न हो।

यूहन्ना 7:21

यीशु ने तिन्हा जो जवाब दित्या, “मैं इक्क कम्म कित्तेया, ते तुसा सारे हैरान हिन।”

प्रेरितां रे कम्म 13:44

अगले विश्राम दिन सहर रे सारे मणू परमेश्वर रा वचन सुनणे तांइ इकट्ठा होई गे

प्रेरितां रे कम्म 19:11

ते परमेश्वर पौलुस रे जरिए का ताकत रे अनौखे चमत्कार करान्दे रे।

प्रेरितां रे कम्म 3:10

तिसजो पछाणी लित्तेया कि ए तां से ही लट्टा भिखारी है जे मन्दिर रे सुन्दर दुआर का बेई करी भीख मंगदा थिया। ते तिस गल्ल कने जे तिस कने होई थी से बड़े हैरान होए।

प्रेरितां रे कम्म 8:21

इस सेवकाई बिच तेरा कोई हिस्सा नी है किजोकी परमेश्वर रे अग्गे तेरा मन ठीक नी है।