प्रेरितां रे कम्म 8:12 - चम्बयाली नौआ नियम

¹² पर जां लोक्कां ने परमेश्वर रे राज ते मसीह यीशु रे नां रा विश्वास कित्तेया जिन्हेरा सुब बसेख फिलिप्पुस सुणाया करदा थिया, तां मते सारे मणू तिसका बपतिस्मा लैणा लगे।

प्रेरितां रे कम्म 8:12 ပူးပေါင်းရင်းမြစ်များ

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

लूका 9:2

ते तिन्हा जो परमेश्वर रे राज करणे रा सुब बसेख सारे मणूआं जो सुनाणे ते बिमार मणूआं जो खरा करणे तांइ भेज्जेया।

लूका 9:60

यीशु ने तिसजो बोल्लेया, मरणे वालेयां जो अपणे मुर्दे दबणा दे, किजोकी परमेश्वर रा वचन सब मणूआं तांइ है, इधेरे तांइ तेरा फर्ज ए है कि तू मणूआं जो परमेश्वर रे राज करणे रे बारे अन्दर दस्स

प्रेरितां रे कम्म 1:3

ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।

प्रेरितां रे कम्म 11:20

पर तिन्हा बिच का किच्‍छ साइप्रस द्वीप ते कुरेनी प्रदेश रे रैहणेवाले मणू थिये, जे अन्ताकिया सहर अन्दर आई करी यूनानियां जो भी प्रभु यीशु री सुब बसेख रा सूणाणा लग्गे।

प्रेरितां रे कम्म 18:8

तां सभास्थल रे सरदार क्रिस्पुस ने ते तिसेरे टब्बर ने प्रभु पर विश्वास कित्तेया, ते बड़े कुरुन्थियों ने भी सूणेया ते विश्वास कित्तेया ते बपतिस्मा लित्तेया

प्रेरितां रे कम्म 19:5

यह सुणी करी तिन्हा ने प्रभु यीशु रे नां पर बपतिस्मा लित्तेया।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

प्रेरितां रे कम्म 20:25

पर मेरे जो पता है कि तुसा सब जणे जिन्हा बिच मैं परमेश्वर रे राज रा प्रचार करदा रेया, तुसा मेरे जो फिरी नी दिख्खणा।

प्रेरितां रे कम्म 28:31

ते जे तिसका ईन्दे थिये, से तिन्हा सबणी कने मिलदा रेया ते बगैर रोक-टोकरे बड़ा निड़र होई के परमेश्वर रे राज रा प्रचार करदा ते प्रभु यीशु मसीह री गल्लां सखांदा रेया।

प्रेरितां रे कम्म 5:14

प्रभु बिच विश्वास करणे वाले मते सारे मणू प्रभु री कलीसिया बिच बड़ी वरी गिनती बिच मिलदे रे।

प्रेरितां रे कम्म 8:4

पर जे विश्वासी बिखरी गे थिये से जित्ते भी गे तित्ते सुब बसेख सुणादे गे।

रोमियों 10:10

किजोकी जां असी अपणे मन कने विश्वास करदे तां परमेश्वर असा जो धार्मिक ठैहरांदे, ते असी जिन्हा ने विश्वास कित्ते रा है, तिसजो अपणे मुँह कने मन्नी लैणे री वजह कने असी बचाए जाणे।

1 कुरुन्थियों 11:11

प्रभु बिच असा री जिन्दगी अंदर जनानी आदमी का अलग नी है ते ना आदमी जनानी का अलग है।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

1 पतरस 3:21

पुराणे जमान्ने बिच तिन्हेरा छुटकारा अवे अज्ज रे जमान्ने बिच तिस छुटकारे रा उदारण है जे असा जो बपतिस्मा लैणे रे जरिये मिलदा। जिस पाणी बिच असी बपतिस्मा लिंदे से सरीर री गंदगी जो दुर नी करदा, पर ए इस गल्ल री निशानी है कि असा ने परमेश्वर का अपणे पाप्पां री माफी मंगे री है, ते असा रे मन तिन्हा पाप्पां री वजह कने अवे परेशान नी हिन। असा जो अवे असा रे पाप्पां का माफी मिल्ली सकदी किजोकी मसीह यीशु मुर्देयां बिच का फिरी जिन्दा होई गेरे हिन,