प्रेरितां रे कम्म 8:10 - चम्बयाली नौआ नियम

¹⁰ छोटे का लेई बड्डे तिकर सारे सामरी मणू तिसेरी इज्जत करदे थिये ते बोलदे थिये कि ए परमेश्वर री से ताकत है जे बड़ी महान है

प्रेरितां रे कम्म 8:10 ပူးပေါင်းရင်းမြစ်များ

प्रेरितां रे कम्म 14:11

मणूआं ने पौलुस रा ए कम्म दिख्खी करी लुकाउनिया री भाषा बिच जोर सणे बोल्लेया, देवता मणू रे रुप अदंर असा का उतरी आये हिन।

प्रेरितां रे कम्म 28:6

पर से मणू भालदे थिये कि तिसेरा हत्थ सूजी जाणा या तिनिये चाणचक्के ही मरी करी छुड़की पैणा, पर जिस बेल्ले से बड़ी देर तांइ दिखदे रे अते दिख्खेया कि तिसेरा तां किच्‍छ भी नी बिगड़ेया, तां अपणी सोच बदली करी बोलणा लगे, ए तां कोई देवता है

1 कुरुन्थियों 1:24

पर से मणू जिन्हा जो परमेश्वर ने अपणे मणू होणे तांइ सद्दे रा है, चाए फिरी से यहूदी हो या गैर यहूदी हो, तिन्हा तांइ मसीह परमेश्वर री ताकत ते ज्ञान हिन।

2 कुरुन्थियों 11:19

तुसा अप्पु जो समजदार समजी करी, खुसी-खुसी बेवकूफ मणूआं री गल्लां सही लिन्दे।

इफिसियों 4:14

ताकि अग्गे जो असी बच्चेयां सांई ना रैह्ण, असी तिन्हा किस्तियां सांई नी रैह्णा जे लहरां ते हवा कने इत्ते-उत्ते डोलदी रेह्न्दी। इसेरा मतलब ए है कि चलाक ते ठग लोक्कां ने फिरी असा जो अपणी झूठ्ठी शिक्षा कने बेवकूफ नी बणाई सकणा।

2 पतरस 2:2

परमेश्वर रे मते लोक्कां ने इन्हा झूठ्ठे शिक्षकां रे गलत कम्मां जो करणा, ते जे चीजां से मणू करदे, तिसेरी वजह कने लोक्कां ने सही रस्ते री बुराई करणी।

प्रकाशित वाक्य 13:3

ते मैं तिसेरे सिरां बिच का इक्क पर इदेया वरी जख्म दिख्खेया, मन्नो से मरणे वाला हो, फिरी तिसेरा जानलेवा जख्म ठीक होई गेया, ते धरती रे मणू तिस ड्रोणे जानवर रे पीच्छे-पीच्छे हैरान होई करी चली पे।