प्रेरितां रे कम्म 7:8 - चम्बयाली नौआ नियम

⁸ ते परमेश्वर ने अब्राहम कने वादा कित्ता ते हुकम दित्ता कि अपणे टब्बर रे सारे मर्दां रा खतना करो ते से इस वादे री निशानी होणा, ते जां अब्राहम रे निक्का इसहाक पैदा होया ते अठमे दिन तिसेरा खतना कित्तेया गेया, ते इसहाक का याकूब ते याकूब का बारा मुंडे जे इस्राएल रे कुलपती होए, तिन्हेरे पैदा होणे तिकर ए परम्परा चलदी रेई।

प्रेरितां रे कम्म 7:8 ပူးပေါင်းရင်းမြစ်များ

मत्ती 1:2

अब्राहम रा पुत्तर इसहाक थिया, इसहाक रा पुत्तर याकूब थिया, याकूब रा पुत्तर यहूदा अते यहूदा रे भ्याल थिये।

यूहन्ना 7:22

इधेरे तांइ मूसा ने तुसा जो खतने रा हुकम दित्ता (ए नी की मूसा रे पासे का पर बाबे दादेया रे पासे का चली आई री परम्परा है), फिरी तुसा विश्राम दिन मणू रा खतना करदे

प्रेरितां रे कम्म 2:29

ओ मेरे भाईयों, मैं कुलपती दाऊद रे बारे बिच तुसा कने हिम्मत कने बोल्ली सकदा कि से ता मरी गेया ते दब्बेया भी गेया ते तिसेरी कब्र अज्ज तिकर हमारे इत्ते पाई जादीं।

रोमियों 4:10

ए सब किच्‍छ कुस बेल्ले होया? खतना होणे का पैल्ले या खतना होणे रे बाद? ए खतना करणे रे बाद नी पर खतना होणा का पैल्ले ही होया।

गलातियों 3:15

ओ संगी विश्वासियों, मैं ए इन्सानी तौर पर बोलदा कि जां दो मणूआं बिच भी पक्का समझौता होई जांदा तां इदेया कोई भी नी हुंदा जे तिसजो तोड़ी सको।

गलातियों 3:17

मेरे बोलणे रा मतलब ए है कि परमेश्वर ने अब्राहम कने वाचा बन्नी, इधेरे तांइ जे कानून परमेश्वर ने मूसा जो चार सौ तीह् साल्लां बाद दित्तेया थिया, से तिस वाचा जो नी तोड़ी सकदा ते तिस वादे जो नक्कारी नी सकदा।

इब्रानियों 7:4

अवे सोच्चो कि मलिकिसिदक किन्ना जादा महान होणा, जिस जो असा रे पुरखे अब्राहम ने लड़ाई बिच जित्ते रा बदिया का बदिया समान रा दसमां हिस्सा दित्तेया।