प्रेरितां रे कम्म 7:60 - चम्बयाली नौआ नियम

⁶⁰ फिरी गोड्डे भारे बेई करी बड़ी अवाज कने बोल्लेया, ओ प्रभु, ए पाप इन्हा पर मत ला ते ए बोल्ली करी से मरी गेया शाऊल तिसेरे मारे जाणे बिच सहमत थिया।

प्रेरितां रे कम्म 7:60 ပူးပေါင်းရင်းမြစ်များ

मत्ती 27:52

ते कब्रां खुली गेई, ते मरे रे परमेश्वर रे मते सारे मणू फिरी जिन्दा होई गे।

मत्ती 5:44

पर मैं तुसा जो बोलदा, अपणे दुश्मणा कने प्यार करो अते जे तुसा जो तंग करदे, तिन्हा तांइ प्रार्थना करो।

लूका 22:41

फिरी यीशु चेल्‍लेयां का थोड़े अग्गे चली गे, जितणी दुर तांइ इक्क पत्थर सूटी सकदे थिये, तितणि दुर जाई करी जाह्न्नु रे भारे बेई करी परमेश्वर कने प्रार्थना करणा लगे,

लूका 23:34

तां यीशु ने बोल्लेया, ओ परम पिता, इन्हा जो माफ करेयां किजोकी ए नी जाणदे कि ए कै करेया करदे हिन फिरी सपाईयां ने यीशु रे कपड़े तांइ परचियाँ पाईयाँ अते यीशु रे कपड़े आपस बिच बन्डी लै।

लूका 6:28

जे मणू तुसा जो धिक्कार देंन, तिन्हा जो तुसा आशीष देया करो, जे तुसा री बुराई करदे, तिन्हेरे तांइ प्रार्थना करेया करो

यूहन्ना 11:11

उन्निए ए गल्लां बोल्ली, अते इसेरे बाद उन्हा जो बोलणा लग्गेया, असा रा दोस्त लाज़र सोई गे रा है, पर मैं तिसजो जगाणे जाया करदा है

प्रेरितां रे कम्म 13:36

किजोकी दाऊद तां परमेश्वर री मर्जी रे हिसाब कने अपणे बेल्ले बिच सेवा करी के मरी गेया, ते अपणे पूरखां कने जाई मिल्लेया ते सड़ी भी गेया।

प्रेरितां रे कम्म 20:36

ए बोल्ली करी तिनिये गोड्डे रे भारे बेई करी ते तिन्हा सबणी कने प्रार्थना कित्ती

प्रेरितां रे कम्म 21:5

जां से दिन पूरे होई गे, तां असी तित्ते का चली पे ते सबनां ने जनानियां अते निके-निक्केयां समेत असा जो सहर का बाह्र तांइ पूजाया ते असा ने कनारे पर जाह्न्नु रे भारे बेई करी प्रार्थना कित्ती

प्रेरितां रे कम्म 9:40

तां पतरस ने सारेयां जो बाहर करी दित्तेया, ते गोड्डे रे भारे बेई करी प्रार्थना कित्ती ते लास रे पास्से दिख्खी करी बोल्लेया, तबीता, उठ तां तिसने अपणी हाख्खियां खोल्ली दित्ती ते पतरस जो दिख्खी करी उठी गेई

1 कुरुन्थियों 11:30

इसी वजह कने तुसा बिच मते जणे सरीर का कमजोर हिन, बिमार हिन ते मते जणे मरी भी गे किजोकी ए तिन्हा पर परमेश्वर री सजा थी।

1 कुरुन्थियों 15:18

ते जे अगर मसीह यीशु मुर्देयां बिच का जिन्दे नी हिन होए रे तां तिन्हा बिच विश्वास करणे वाले जे मणू मरी गेरे हिन, तिन्हेरा छुटकारा नी होए रा है ते इसेरा मतलब ए है कि से मणू हमेसा-हमेसा तांइ परमेश्वर बखरे होई गेरे हिन।

1 कुरुन्थियों 15:20

पर हकीकत बिच परमेश्वर ने मसीह यीशु जो मुर्देयां बिच का जिन्दा करी दित्ता, ते मसीह इस गल्ल रा सबूत हिन कि जिन्ने भी विश्वासी मणू मरी गेरे हिन तिन्हा ने उन्हा सारेयां जो जिन्दा करी दैणा।

1 कुरुन्थियों 15:51

सुणो, मैं तुसा जो राज़ री गल्ल दसदा, जां आखरी तुरही बजणी तां असा विश्वासियां ने चाणचक्के ही बदली जाणा ते जां तुरही बजणी तां मुर्देयां ने भी जिन्दे होई जाणा ते फिरी कदी नी मरणा।

1 कुरुन्थियों 15:6

फिरी से पांज्ज सौ का भी जादा प्रेरितां जो भी कठ्ठे ही दिस्से, जिन्हा बिच का मते जणे हल्ले तिकर जिन्दे हिन, पर किच्‍छ मरी भी गे।

1 थिस्सलुनीकियों 5:10

प्रभु यीशु मसीह असा तांइ इधेरे तांइ मरे ताकि भले ही असी जिन्दे होण या मरी गेरे होण पर जां यीशु मसीह हटी करी आए तां असी तिन्हा कने मिली करी जीण।

2 तीमुथियुस 4:16

पैल्ली वरी मेरे जो रोम सहर बिच हाकिम रे सामणे तिन्हा लोक्कां जो जवाब दैणे तांइ खड़िणा पेया जिन्हा ने मेरे पर किच्‍छ गलत कम्म करणे रा इल्जाम लाया थिया, कोई भी मेरे पास्से का गवाई दैणे तांइ नी आया बल्कि तिन्हा सारे जणेया ने मेरे जो किल्ला छड्डी दित्तेया।

2 पतरस 3:4

अते तिन्हा लोक्कां ने बोलणा, तिनिये वापिस हटणे रा वादा कित्तेया थिया, पर तिनिये झूठ बोल्लेया थिया। सुरुआत बिच जे मणू असा रे मुखिया थिये, से सारे अवे मरी गेरे हिन, पर हल्ले तिकर किच्‍छ भी नी बदलेया। हर चीज तिय्यां ही होया करदी है जिय्यां तिस बेल्ले हुंदी थी जां परमेश्वर ने दुनिया जो बणाया थिया।