प्रेरितां रे कम्म 7:56 - चम्बयाली नौआ नियम

⁵⁶ बोल्लेया, दिख्खो, मैं स्वर्ग जो खुले रा ते मणू रे पुत्तर, जे मैं ही है जो परमेश्वर रे सज्जे पास्से खड़ित्ते रा दिख्खेया करदा है

प्रेरितां रे कम्म 7:56 ပူးပေါင်းရင်းမြစ်များ

मत्ती 25:31

जां मणू रे पुत्तर, जे मैं ही है, वापिस हटणा, तां अपणी महिमा बिच अपणे सब स्वर्गदूतां कने आणा, ते मैं अपणे महिमामय सिहांसन पर बेई करी सारी दुनिया रा ईसांफ करणा।

मत्ती 3:16

ते यीशु बपतिस्मा लेई करी तिस्सी बेल्ले पाणी का बाहर आई गे, ते दिख्खो, तिन्हा तांइ स्वर्ग खुल्ली गेया, अते तिन्हा ने पवित्रात्मा जो इक्क कबूतर सांई उतरदे अते अपणे उपराल्ले आंदे दिख्खेया।

मत्ती 8:20

यीशु ने तिसजो बोल्लेया, “लोमड़ी री खोह अते आसमान रे चिड़ू-पखेरुआं रे घोंसले हुन्दे हिन पर मणू रे पुत्तर का, जे मैं ही है का रैह्णे तांइ अपणी कोई जगाह् नी है।”

मरकुस 1:10

ते जां यीशु पाणी का निकली करी उप्पर आए, तां तिस्सी बेल्ले तिनिये स्वर्ग जो खुलदे ते पवित्रात्मा जो कबूतर सांई अपणे उप्पर उतरदे दिख्खेया।

लूका 3:21

इय्यां होया कि जां सब जणे यूहन्ना का बपतिस्मा लेया करदे थिये तां यीशु ने भी आई करी यूहन्ना का बपतिस्मा लेया, अते जां यीशु प्रार्थना करेया करदे थिये, तां स्वर्ग खुली गेया।

यूहन्ना 1:51

फिरी तिसने बोल्लेया, मैं तुसा कने सच-सच बोलदा कि तुसा स्वर्ग जो खुले रे कने परमेश्वर रे स्वर्गदूतां जो मणू रे पुत्तर, जे मैं ही है, पराले उतरदे कने उप्पर जांदे दिखणा।

प्रेरितां रे कम्म 10:11

ते पतरस ने दर्शन बिच दिख्खेया, कि स्वर्ग खुली गेया, ते इक्क बड्डी चाद्दर चारो कुणे का धरती पास्से टंगी दित्ती गयी।

प्रेरितां रे कम्म 10:16

त्रै वरी इय्यां ही होया, तां तिस्सी बेल्ले से चाद्दर आसमान जो चुक्की लित्ती गयी।

प्रेरितां रे कम्म 7:57

तां तिन्हा ने बड़ी जोरे लेर मारी करी कान्न बांद्द करी लित्ते, ते कठे ही तिस पर झपटे

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 19:11

फिरी मैं स्वर्ग जो खुले रा दिख्खेया, ते इक्क सफेद घोड़े जो खड़ित्ते रा दिख्खेया, ते तिस पर इक्क सवार है, जे भरोस्सेमंद सच्चा सेवादार है, से परमेश्वर रे दुश्मणा रे खिलाफ तिस हिसाब कने लड़दा जे परमेश्वर री नजर बिच सही है।

प्रकाशित वाक्य 4:1

इन्हा गल्लां का बाद मैं दिख्खेया की, स्वर्ग रा दुआर खुल्ले रा थिया ते तित्ते कोई थिया जे मेरे कने गल्ल करेया करदा थिया, ते ए से ही जिस जो मैं पैल्ले भी सूणेया थिया, ते जिसेरी अवाज तुरही सांई सुणिंदी थी। तिनिये मेरे जो बोल्लेया, इत्ते उप्पर आई जा, मैं तिज्जो से दिखाणा जिसेरा आणे वाले बेल्ले बिच होणा पक्का है।