प्रेरितां रे कम्म 7:32 - चम्बयाली नौआ नियम

³² मैं तेरे बाबे-दाद्दे, अब्राहम, इसहाक ते याकूब रा परमेश्वर है, तां फिरी मूसा डर कने कमीं पेया, इत्ते तिकर की तिसजो दिखणे री हिम्मत भी नी रेई

प्रेरितां रे कम्म 7:32 ပူးပေါင်းရင်းမြစ်များ

मत्ती 17:6

जां चेल्‍लेयां ने ए सूणेया तां से इतणे डरी गे कि से उन्दे मुँहा पेई गे।

मत्ती 22:32

मैं अब्राहम रा परमेश्वर, ते इसहाक रा परमेश्वर, ते याकूब रा परमेश्वर है? से मरेयां रा नी, पर जिन्देया रा परमेश्वर है।

मत्ती 22:46

इसेरे जवाब बिच कोई भी इक्क जवाब भी देई सकेया तिस दिन का कुसकी जो भी तिन्हेरे का कुछ भी पूच्छणे री हिम्मत नी होई।

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

प्रेरितां रे कम्म 7:31

जां मूसा ने तिस बखदी झाड़ी जो दिख्खेया जे आग्ग कने फुकी करी खत्म नी होया करदी थी तां से हैरान होया,

इब्रानियों 11:16

पर से सबका खरी चीज मतलब स्वर्ग रे चाह्‍णे वाले हिन इधेरे तांइ परमेश्वर तिन्हा का परमेश्वर केहलाणे बिच खुस हुदें थिये, किजोकी तिन्हा ने तिन्हेरे तांइ इक्क सहर तैयार कित्ते रा है।

प्रकाशित वाक्य 1:17

जां मैं तिसजो दिख्खेया, तां मैं तिन्हेरे पैरां पर मुर्दे सांई पेई गेया, पर तिन्हा ने मेरे पर अपणा सज्जा हत्थ रख्खी करी ए बोल्लेया, “डर मत, मैं सुरुआत है, ते मैं ही आखिर भी।”