प्रेरितां रे कम्म 7:3 - चम्बयाली नौआ नियम

³ ते तिसजो बोल्लेया, तू अपणे देस ते अपणे रिस्तेदारां बिच का निकली करी तिस देस जो जा, जिस जो मैं तेरे जो दिखाणा।

प्रेरितां रे कम्म 7:3 ပူးပေါင်းရင်းမြစ်များ

मत्ती 10:37

जे अपणे मां-प्यो जो मेरे का जादा प्यार करदा, से मेरा चेल्ला होणे रे लायक नी है, जे अपणे बच्चेयां जो मेरे का जादा प्यार करदा, से मेरा चेल्ला होणे रे लायक नी है,

लूका 14:33

इय्यां ही जां तांइ कोई मणू अपणा सब किच्‍छ पूरी तरह् कने छड्डी नी दिंगा, तां तांइ से मेरा चेल्ला बणने जोग्गा नी है।

प्रेरितां रे कम्म 7:4

तां अब्राहम कसदियां रे देस जे मेसोपोटामिया रे नां कने भी जाणेया जांदा, का निकली करी हारान कस्बे बिच जाई बसेया, तिसेरे पिता रे मौत रे बाद परमेश्वर ने तिसजो तित्ते का इस देस बिच लै आई करी बसाया जिस बिच अवे असी बसदे,

2 कुरुन्थियों 6:17

इस तांइ परमेश्वर पवित्रशास्त्र बिच असा जो बोलदे, “अविश्वासी लोक्कां रे बिच का निकलो ते बखरे रेयो ते भिठ्ठी चीजां री अराधना मत करो, तां मैं तुसा जो अपनाणा।

इब्रानियों 11:8

जां परमेश्वर ने अब्राहम जो कुसकी जगाह् पर जाणे तांइ सद्देया, तां तिनिये विश्वास करी के परमेश्वर रे हुकम जो मन्नी करी, इक्क इदेय जगाह् पास्से निकली गेया, जिस जगाह् जो परमेश्वर ने तिसजो तिसेरी अपणी जायदाद रे तौर पर देई दैणी थी। पर से ए नी जाणदा थिया, कि से कुते जाया करदा है, पर से ता भी निकली गेया।