प्रेरितां रे कम्म 7:25 - चम्बयाली नौआ नियम

²⁵ तिसने सोच्चेया कि तिसेरे इस्राएली भाई समजगे कि परमेश्वर ने तिसेरे जरिए तिन्हा जो गुलामी का छुटकारा दुआणा, पर इस्राएली मणूआं ने नी समजेया।

प्रेरितां रे कम्म 7:25 ပူးပေါင်းရင်းမြစ်များ

मरकुस 9:32

पर ए गल्ल चेल्‍लेयां जो समझ नी आई, अते से तिन्हा का पूच्छणे का डरदे थिये।

लूका 18:34

पर, यीशु जे किच्‍छ बोल्लेया करदे थिये, से गल्लां चेल्‍लेयां रे पल्ले नी थी पेया करदी अते से गल्लां तिन्हा का छीपी रेई, अते से जाणी नी पाए कि से कुधेरे बारे बोल्लेया करदे हिन।

लूका 9:45

पर ए गल्ल चेल्‍लेयां रे पल्ले नी पेई, किजोकी इस गल्ल रा सह्ई मतलब तिन्हा का छुपी रेया कि से तिसजो जाणी ना सकण ते चेल्‍ले यीशु का इस बारे अन्दर पूच्छणे का ड़रदे थिये

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

प्रेरितां रे कम्म 15:4

जां पौलुस ते बरनबास यरुशलेम सहर बिच पूज्जे, तां कलीसिया ते खास प्रेरितां ते बुजुर्ग मणू तिन्हा कने खुसी कने मिल्ले, ते तिन्हा ने दस्सेया कि परमेश्वर ने तिन्हा कने होई करी कदेय-कदेय कम्म कित्ते थिये

प्रेरितां रे कम्म 15:7

तां पतरस ने बड़ी बैह्स-बाजी रे बाद खड़े होई करी तिन्हा जो बोल्लेया, ओ भाईयों तुसा जाणदे कि बड़े रोज होये, कि परमेश्वर ने तुसा बिच का मेरे जो चुणी लेरा है, कि मेरे जरिए गैर यहूदी लोक्कां जो सुब बसेख सूणाई करी तिन्हा जो विश्वास पर लियाऊँ।

प्रेरितां रे कम्म 21:19

तां तिनिए तिन्हा जो प्रणाम करी के, जे जे कम्म परमेश्वर ने तिसेरी सेवा रे जरिए गैर यहूदी अन्दर कित्ते रे थिये, इक्क-इक्क करी के सब दस्से

प्रेरितां रे कम्म 7:24

मूसा ने इस्राएल रे इक्क मणू पर जुल्म हुदें दिख्खी करी तिसजो बचाया, ते इक्क मिस्र देस रे रैह्णे वाले जो मारी करी तिस सताए रे इस्राएली मणू रा बदला लित्ता।

प्रेरितां रे कम्म 7:26

दूए दिन जां से अप्पु बिच लड़ेया करदे थिये, तां से तित्ते आया ते ए बोल्ली करी तिन्हेरी सुलाह कराणे तांइ समजाया, ओ लोक्कों तुसा तां इक्क दूए भाई-बन्धु हिन, तां इक्क-दूए कने किजो लड़ेया करदे हिन?

रोमियों 15:18

किजोकी जे कम्म मसीह यीशु ने मेरे जरिये कित्ते रे हिन, तिन्हा री वजह कने मैं हिम्मत कने बोल्ली सकदा, कि मैं गैर यहूदी लोक्कां जो प्रभु री हुकम मनणे तांइ प्रभावित करी सकदा। तिन्हा ने मेरा बसेख सुणी करी, ते मेरे कम्मां जो दिख्खी करी मसीह यीशु बिच विश्वास कित्ता।

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

1 कुरुन्थियों 3:9

किजोकी असी मणू परमेश्वर रे सहकर्मी हिन ते तुसा विश्वासी मणू परमेश्वर रे खेत्तर सांई हिन, ते तुसा परमेश्वर रे घर सांई हिन।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

कुलुस्सियों 1:29

इधेरे तांइ मैं मसीह री ताकत पर, जे मेरे अंदर कम्म करदी, निर्भर होई करी कड़ी मैहनत करदा।