प्रेरितां रे कम्म 7:10 - चम्बयाली नौआ नियम

¹⁰ ते परमेश्वर ने यूसुफ रे सारे दुखां का छुड़ाई करी मिस्र रे राजा फिरौन री नजर बिच दया ते समझ दित्ती, ते फिरौन राजा ने यूसुफ जो मिस्र पर ते अपणे सारे घर पर राज्यपाल बणाया।

प्रेरितां रे कम्म 7:10 ပူးပေါင်းရင်းမြစ်များ

2 तीमुथियुस 4:18

ते प्रभु ने मेरे जो हर इक्क बुराई का बचाणा, ते तिन्हा ने मेरे जो स्वर्ग अंदर अपणे राज बिच सुरक्षित तौर पर पूजाणा। तिन्हेरी महिमा हमेसा-हमेसा तांइ हुंदी रेय। आमीन!

याकूब 5:11

असी सबर रखणे वाले लोक्कां जो धन्न बोलदे। तुसा अय्यूब नां रे मणू रे सबर रखणे रे बारे बिच तां सुणे रा ही है, ते प्रभु ने आखर तिसजो जे प्रतिफल दित्ता तिसजो तुसा जाणी लित्ते रा कि प्रभु अती करुणामयी ते दयालू हिन।

प्रकाशित वाक्य 7:14

मैं तिसजो जवाब दित्तेया, ओ मेरे स्वामी, मैं ता नी जाणदा तुसा ही जाणदे। तिसने मेरे जो बोल्लेया, ए मणू जिन्हा ने चिट्टे कपड़े पाए रे हिन, ए से ही मणू हिन जे तिस बड़े वरी मुसीबतां ते जुल्मां रे समय रे दौरान मरी गे थिये। ए से मणू हिन जिन्हा ने अप्पु जो “उरणू” री कुर्बानी रे जरिये सुच्चा कित्तेया।