प्रेरितां रे कम्म 6:9 - चम्बयाली नौआ नियम

⁹ तां तिस सभास्थल बिच किच्‍छ मणू जे कुरेनी ते सिकन्दरिया सहर ते किलिकिया ते एशिया रे प्रदेश बिच का थिये ते “दास्तव मुक्त” समुह रे कहलांदे थिये, से मणू स्तिफनुस कने बैह्स करणा लग्गे।

प्रेरितां रे कम्म 6:9 ပူးပေါင်းရင်းမြစ်များ

मत्ती 10:17

पर मणूआं का बची करी रेयो, किजोकी तिन्हा तुसा जो पंचायता बिच देई दैणा, अते तिन्हा तुसा जो अपणी सभास्थल बिच कोड़े मारणे।

मत्ती 23:34

इधेरे तांइ दिख्खो, मैं तुसा का भविष्यद्वक्ता, समजदार ते शास्त्रि लोक्कां जो भेजेया करदा है, तुसा उन्हा बिच का किन्नेयां जो मारी दैणा अते किन्नेयां जो सुली पर चढ़ाई दैणा, किन्नेयां जो तुसा अपणी सभास्थल बिच कोड़े लगाणे अते इक्क सहर का दूज्जे सहर उन्हेरा पीच्छा करदे फिरणा।

मत्ती 27:32

बाहर जादें बेल्ले तिन्हेरे जो शमौन नां रा इक्क कुरेनी मणू तिन्हेरे जो मिल्लेया तिन्हा ने तिसजो बेगार बिच पकड़ेया की से तिन्हेरा सुली चुकी करी लेई चले।

मरकुस 13:9

“पर तुसा चुकन्ने रेयो, किजोकी जां ए सारी चीजां होणा सुरु होणी तां तुसा लोक्कां जो पकड़ी करी पंचायत बिच लेई जाया जाणा ते सभास्थल बिच मारेया-कुट्टेया जाणा, तुसा जो हाकमां ते राज्जेयां सामणे लेई जाया जाणा किजोकी तुसा मेरे चेल्‍ले हिन।” पर ए तुसा तांइ मौक्का होणा कि तुसा तिन्हेरे सामणे मेरी गवाई देई सको।

लूका 21:12

पर इन्हा गल्लां रे होणे का पैले मेरे पीछे चलणे वालेयां मणूआं जो पकड़ी लित्तेया जाणा, तुसा पर मुसीबतां पैणी, तुसा जो यरुशलेम रे सभास्थल बिच लेई जाई करी तिन्हा का देई दैणा, अते तुसा जो जेला बिच ढप्पी दैणा, अते तुसा जो राज्जेयां (न्यायधिशाँ) कने राज्पालां का लेई जाणा।

प्रेरितां रे कम्म 11:20

पर तिन्हा बिच का किच्‍छ साइप्रस द्वीप ते कुरेनी प्रदेश रे रैहणेवाले मणू थिये, जे अन्ताकिया सहर अन्दर आई करी यूनानियां जो भी प्रभु यीशु री सुब बसेख रा सूणाणा लग्गे।

प्रेरितां रे कम्म 13:1

अन्ताकिया सहर री कलीसिया बिच किन्ने भविष्यद्वक्ता ते शिक्षक थिये, मतलब बरनबास ते शमौन जिन्हा जो कि नीगर भी बोलदे, ते लूकियुस कुरेनी, ते देस रे चौथे हिस्से रा राज्जा हेरोदेस रा सक्के भ्याल मनाहेम ते शाऊल

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 15:23

ते तिन्हेरे हत्थां ए चीठ्ठी लिख्खी भेज्जी, कि अन्ताकिया सहर ते सीरिया ते किलिकिया प्रदेश बिच रैह्णे वाले भाईयां जो जे कि गैर यहूदियां रे हिन, खास प्रेरितां ते बुजुर्ग लोक्कां रा नमस्कार।

प्रेरितां रे कम्म 15:41

ते से सीरिया ते किलिकिया प्रदेशां का हुन्दे होये कलीसिया रे लोक्कां जो मजबूत करदे होए निकली गेया।

प्रेरितां रे कम्म 16:6

से फ्रूगिया ते गलातिया प्रदेशां का होई करी निकले किजोकी पवित्रात्मा ने तिन्हा जो एशिया प्रदेश बिच वचन सुनाणे जो मना करी दित्तेया थिया।

प्रेरितां रे कम्म 18:24

तित्ते ही अपुल्लोस नां रा इक्क यहूदी मणू थिया जिसेरा जन्म सिकन्दरिया सहर बिच होया थिया से विद्वान मणू थिया से इफिसुस सहर बिच आया पवित्रशास्त्र रा तिसजो पूरा ज्ञान थिया

प्रेरितां रे कम्म 19:10

दो साल तांइ इय्यां ही हुन्दा रेया, इत्ते तक कि एशिया प्रदेश रे रैह्णे वाले कै यहूदी, कै यूनानी सबने प्रभु रा वचन सूणेया

प्रेरितां रे कम्म 19:26

अते तुसा दिखदे सूणदे हिन, कि सिर्फ इफिसुस सहर बिच ही नी, बल्कि सारे एशिया प्रदेश बिच ए बोल्ली करी की इस पौलुस ने बड़े मणूआं जो बहलाया फुसलाया, कि मणूआं रे हत्थां कने बणाये रे देवते सच्चे देवते नी हिन

प्रेरितां रे कम्म 21:27

जां से सत्त रोज पूरे होणे वाले थिये, तां एशिया प्रदेश रे यहूदियां ने पौलुस जो मन्दिर अन्दर दिख्खी करी सबणी मणूआं जो भेकाया, ते इय्यां लेर मारी करी तिसजो पकड़ी लेया,

प्रेरितां रे कम्म 21:39

पौलुस ने बोल्लेया, मैं तां तरसुस रा यहूदी मणू है! किलिकिया रे मस्हूर सहर रा रैह्णे वाला मैं तेरे छन्दे करदा कि तू मेरे जो मणूआं कने गल्लां करणा दे

प्रेरितां रे कम्म 22:19

मैं बोल्लेया, ओ प्रभु जी, तिन्हा जो ता पता है कि मैं तुसा पर विश्वास करणे वालेयां जो जेल बिच पाई दिन्दा ते हर इक्क सभास्थल बिच कुटवांदा थिया।

प्रेरितां रे कम्म 22:3

मैं ता यहूदी मणू है, अते मेरा जन्म किलिकिया प्रदेश रे तरसुस कस्बे बिच होया पर इस सहर अन्दर गमलीएल रे पैरां रे नेड़े बिठाई करी पढ़ाया गे रा है, ते बब्ब-दाद्देयां री परम्परा मेरे जो ठीक तरिक्के कने सखाई गे री है मेरे अन्दर परमेश्वर तांइ बड़ा जोस थिया जिय्यां अज्ज तुसा अन्दर है

प्रेरितां रे कम्म 23:34

फेलिक्स राज्यपाल ने चीठ्ठी पढ़ी करी पूच्छेया, ए कुस जगाह् रा है? ते जां पता लग्गेया कि किलिकिया प्रदेश रा है

प्रेरितां रे कम्म 24:18

तिन्हा ने मेरे जो मन्दिर अन्दर, सुच्चे होणे री रीति पूरी करदे बेल्ले बगैर भीड़ रे ते बगैर शोर मचांदे, तित्ते भेंट चढांदे दिख्खेया, पर एशिया प्रदेश रे किच्‍छ यहूदी तित्ते थिये जे मेरे पर इल्जाम लाणा चाह्‍ंदे थिये, तिन्हेरे जो जरुरी थिया

प्रेरितां रे कम्म 26:11

हर इक्क सभास्थल अन्दर मैं तिन्हा जो सजा दुआई-दुआई करी यीशु री बेजती करान्दा थिया ते होर तां होर, लेर री वजह कने इदेया पागल होई गेया कि दूए सहरां अन्दर भी जाई करी तिन्हा जो तंग करदा थिया।

प्रेरितां रे कम्म 6:10

से मणू तिन्हा गल्लां रा जवाब नी देई सके जे स्तिफनुस बोल्लेया करदा थिया किजोकी पवित्रात्मा ने तिसजो समजदारी कने जवाब दैणे री ताकत दित्ती थी।

1 कुरुन्थियों 1:20

तां फिरी अवे असी समजदार मणूआं रे बारे बिच कै बोल्ली सकदे? अवे असी यहूदी नियमां रे शास्त्रियां रे बारे बिच कै बोल्ली सकदे? ते अवे असी तिन्हा लोक्कां रे बारे बिच कै बोल्ली सकदे जे गल्ल-बात करणे बिच बड़े तेज हिन? परमेश्वर ने ए ज़ाहिर जताई दित्तां कि इस दुनिया री समझ रा कोई मुल्ल नी है।

गलातियों 1:21

यरुशलेम सहर का निकलणे रे बाद मैं सीरिया अते किलिकिया रे प्रदेशां बिच गेया।