प्रेरितां रे कम्म 6:8 - चम्बयाली नौआ नियम

⁸ स्तिफनुस अनुग्रह ते ताकत कने भरी करी लोक्कां बिच बड्डे अनौखे कम्म ते चिन्ह-चमत्कार दिखाया करदा थिया

प्रेरितां रे कम्म 6:8 ပူးပေါင်းရင်းမြစ်များ

यूहन्ना 4:48

यीशु ने तिसजो बोल्लेया, जिस बेल्ले तक तुसा चमत्कार नी दिख्खी लैणे तिस बेल्ला तक तुसा कदी विश्वास नी करणा कि मैं मसीह है।

प्रेरितां रे कम्म 6:10

से मणू तिन्हा गल्लां रा जवाब नी देई सके जे स्तिफनुस बोल्लेया करदा थिया किजोकी पवित्रात्मा ने तिसजो समजदारी कने जवाब दैणे री ताकत दित्ती थी।

प्रेरितां रे कम्म 6:15

तां सारे लोक्कां ने जे सभा बिच बैठ्ठे रे थिये, तिस पर नजरां टिकाई ते तिसेरा मुँह स्वर्गदूत सांई रौसनी कने चमकेया करदा थिया।

प्रेरितां रे कम्म 6:3

इस तांइ, ओ भाईयो, अपणे बिच का सत्त ठीक नां वाले मणूआं जो जे पवित्रात्मा ते समजदारी कने भरित्ते रे होण, चुणी लो कि असी तिन्हेरे जो इस कम्म पर ठहराई दैण।

प्रेरितां रे कम्म 6:5

ए गल्ल सारी मण्डली जो ठीक लग्गी, ते तिन्हा ने स्तिफनुस ना रे इक्क मणू जो जे विश्वास ते पवित्रात्मा कने भरित्ते रा थिया, ते फिलिप्पुस, ते प्रुखुरुस, ते निकाकोर, ते तिमौन, ते परमिनास, ते अन्ताकिया रे रैह्णे वाले निकुलाउस जे यहूदी मत बिच आई गे रा थिया, चुणी लित्ता

प्रेरितां रे कम्म 7:55

पर तिसने पवित्रात्मा कने भरी करी स्वर्ग रे पास्से दिख्खेया ते परमेश्वर री महिमा जो ते यीशु जो परमेश्वर रे सज्जे पास्से खड़ित्ते रा दिख्खी करी

प्रेरितां रे कम्म 8:6

जां तित्ते भीड़ ने फिलिप्पुस री गल्लां जो सूणेया ते जे चिन्ह-चमत्कार से करदा थिया से दिख्खे तां तिन्हा ने तिसेरी गल्लां पास्से ध्यान लाया

इफिसियों 4:11

मसीह यीशु ने ही ए बखरे-बखरे दान दित्ते, तिन्हा ने किच्‍छ जणेया जो प्रेरित ठैहराया, ते किच्‍छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्‍छ जणेया जो पादरी ते उपदेस दैणे वाले ठैहराया रा है।

1 तीमुथियुस 3:13

किजोकी जे सेवादार अपणा कम्म ठीक तरिक्के कने करदे तिन्हा जो लोक्कां बिच बड़ी इज्जत मिलणी ते तिन्हा जो लोक्कां जो मसीह बिच तिन्हेरे विश्वास रे बारे दसणे बिच दसणे तांइ हिम्मत मिलणी।