प्रेरितां रे कम्म 6:4 - चम्बयाली नौआ नियम

⁴ पर असी तां प्रार्थना बिच ते वचन री सेवकाई बिच लग्गी रैह्णा।

प्रेरितां रे कम्म 6:4 ပူးပေါင်းရင်းမြစ်များ

लूका 1:23

फिरी जिस बेल्ले जकरयाह रे मन्दिर बिच सेवा करणे रा बेल्ला पूरा होई गेया तां से अपणे घरे जो हटी गेया।

प्रेरितां रे कम्म 1:14

ए सारे मती जनानियां ते यीशु री मां मरियम ते तिन्हेरे अपणे भ्यालां कने इक्क मन होई करी प्रार्थना बिच लग्गी रेय।

प्रेरितां रे कम्म 2:42

ते से प्रेरितां का शिक्षा पाणे, ते सगंती रखणे, ते प्रभु भोज मनाणे, ते प्रार्थना करणे बिच मगन रे।

रोमियों 1:9

परमेश्वर, जिन्हेरी सेवा मैं अपणे पूरे दिल कने, तिन्हेरे पुत्तर रे सुब बसेख जो सूणाई करी करदा, से ही परमेश्वर मेरा गवाह हिन, कि मैं तुसा जो हमेसा याद करदा रैह्न्दा,

1 कुरुन्थियों 9:16

जे अगर मैं सुब बसेख सूणां, तां मेरे तांइ किच्‍छ भी घमंड करणे री गल्ल नी है किजोकी मसीह ने मेरे जो इय्यां करणे रा हुकम दित्ते रा है। पर जे अगर मैं सुब बसेख ना सूणां ता ए मेरे पर लाणत है।

फिलिप्पियों 1:4

ते जां भी कदी तुसा सबणी जणेया तांइ प्रार्थना करदा, तां हमेसा खुसी कने प्रार्थना करदा।

कुलुस्सियों 2:1

मैं चाह्‍ंदा की तुसा जाणो की तुसा तांइ, ते लौदीकिया सहर बिच रैह्णे वाले विश्वासियां तांइ, ते तिन्हा सारे मणूआं तांइ भी जिन्हा जो मैं हल्ले तिकर नी मिल्ले रा है, मैं किन्नी जादा मैहनत करदा।

कुलुस्सियों 4:12

इपफ्रास भी जे तुसा रे ही सहर का है। ते से मसीह यीशु रा दास है, तुसा जो प्रणाम बोल्लेया करदा है। से बड़ी लगन कने तुसा तांइ प्रार्थना करदा रैहन्दा ताकि तुसा मसीह यीशु बिच विश्वास करणे बिच मजबूत होई करी, सिद्व होई करी ते पक्के तौर पर पूरे विश्वास कने परमेश्वर री मर्जी जो पूरा करो।

कुलुस्सियों 4:17

अरखिप्पुस जो बोल्लेयो, जे सेवा करणे तांइ प्रभु ने तेरे जो चुणे रा है, ध्यान रे कि तू तिस सेवा जो पूरा करे।

2 तीमुथियुस 4:2

कि तू परमेश्वर रे बसेख रा प्रचार कर, ते चाए हालात ठीक होण या बुरे, हर बेल्ले प्रचार करणे तांइ तैयार रे, जरुरी है कि तू तिन्हा जो दस्से कि तिन्हा ने कै गलती कित्ते री है, ते तेरे जो तिन्हा जो तिन्हेरे पाप्पां तांइ बकणा जरुरी है। पर तेरे जो लोक्कां जो बड़े सबर कने सिखांदे होए प्रोत्साहित करणा भी जरुरी है।