प्रेरितां रे कम्म 6:3 - चम्बयाली नौआ नियम

³ इस तांइ, ओ भाईयो, अपणे बिच का सत्त ठीक नां वाले मणूआं जो जे पवित्रात्मा ते समजदारी कने भरित्ते रे होण, चुणी लो कि असी तिन्हेरे जो इस कम्म पर ठहराई दैण।

प्रेरितां रे कम्म 6:3 ပူးပေါင်းရင်းမြစ်များ

मत्ती 23:8

पर तुसा मणूआं बिच अप्पु जो गुरु मत बुलवान्दे, किजोकी तुसा रा इक्क ही गुरु है, ते तुसा सारे सिर्फ भैण भाई हिन।

यूहन्ना 21:23

इय्यां ही ए गल्ल संगी विश्वासी बिच फैली गई कि तिस चेल्‍ले ने नी मरणा, पर यीशु ने तिस कने ए नी बोल्लेया थिया, कि तिसने नी मरणा पर तिन्हेरे बोलणा रा ए मतलब थिया कि जे मैं ए चाए कि से मेरे आणे तक, ए इत्ते ही रे, तां तिज्जो इस कने कै मतलब?

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

प्रेरितां रे कम्म 1:21

इधेरे तांइ जिन्ने मणू यूहन्ना रे बपतिस्मा का लेई करी यीशु मसीह रे स्वर्ग पर चुक्के जाणे तिकर असा कने हर जगाह् बराबर रे, तिन्हा बिच का ही कोई इक्क तिसेरी जगाह् पर चुणेया जाए,

प्रेरितां रे कम्म 10:22

तिन्हा ने बोल्लेया, कुरनेलियुस हाकिम जे भला अते पवित्र कने परमेश्वर रा डर मनणे वाला ते सबणी यहूदियां बिच ठीक नां वाला मणू है, तिस स्वर्गदूत ने तिज्जो अपणे घरे सदणे तांइ ते जे किच्‍छ तुसा बोल्णा तिसजो असा जो सुनणे तांइ बोल्ले रा है

प्रेरितां रे कम्म 15:23

ते तिन्हेरे हत्थां ए चीठ्ठी लिख्खी भेज्जी, कि अन्ताकिया सहर ते सीरिया ते किलिकिया प्रदेश बिच रैह्णे वाले भाईयां जो जे कि गैर यहूदियां रे हिन, खास प्रेरितां ते बुजुर्ग लोक्कां रा नमस्कार।

प्रेरितां रे कम्म 16:2

ते लुस्त्रा ते इकुनियुम रे सहर रे विश्वासियां बिच तिसेरी बोलचाल ठीक थी।

प्रेरितां रे कम्म 2:4

से सारे पवित्रात्मा बिच भरी गे, ते जिय्यां पवित्रात्मा ने तिन्हा जो बोलणे री ताकत दित्ती, से बखरी-बखरी भाषा बिच बोलणा लग्गे।

प्रेरितां रे कम्म 22:12

तां हनन्याह नां रा मूसा रे कानून रे हसाब्बे इक्क भग्त मणू थिया, जे तित्ते रैह्णे वाले यहूदियां बिच का नामी थिया, मेरे का आया,

प्रेरितां रे कम्म 28:14

तित्ते असा जो किच्‍छ विश्वासी मिल्ले, ते तिन्हेरे बोलणे पर असी तिन्हा का सत्त रोज्जां तांइ रे अते इस तरिक्के कने असी रोम सहर जो चली पये।

प्रेरितां रे कम्म 6:2

तां तिन्हा बारां चेल्‍लेयां ने विश्वासी लोक्कां री मण्डली जो अपणे का सद्दी करी बोल्लेया, ए ठीक नी कि असी परमेश्वर रा वचन छड्डी करी खिलाणे-पिलाणे री सेवा बिच लग्गी रैह्ण।

प्रेरितां रे कम्म 6:5

ए गल्ल सारी मण्डली जो ठीक लग्गी, ते तिन्हा ने स्तिफनुस ना रे इक्क मणू जो जे विश्वास ते पवित्रात्मा कने भरित्ते रा थिया, ते फिलिप्पुस, ते प्रुखुरुस, ते निकाकोर, ते तिमौन, ते परमिनास, ते अन्ताकिया रे रैह्णे वाले निकुलाउस जे यहूदी मत बिच आई गे रा थिया, चुणी लित्ता

प्रेरितां रे कम्म 6:6

इन्हा जो प्रेरितां सामणे खड़ेरेया ते तिन्हा ने प्रार्थना करी के तिन्हा पर हत्थ रख्खे ताकि से मणू तिस सेवकाई जो करण।

प्रेरितां रे कम्म 9:30

ए जाणी करी संगी विश्वासी तिसजो कैसरिया सहर बिच लेई आए ते तरसुस जो भेज्जी दित्तेया।

1 कुरुन्थियों 12:8

पवित्रात्मा इक्क जणे जो तिन्हेरे बसेख रे बारे बोलणे री खूबी दिंदे जे कि ज्ञान कने भरपूर हुंदी, ते से ही आत्‍मा दूए मणू जो तिन्हेरा बसेख बोलणे री खूबी दिंदे जे समझ कने भरपूर हुंदा।

1 कुरुन्थियों 16:3

ते जां मैं तित्ते होणा, तां मैं तुसा रे भरोस्सेमंद मणूआं रे हत्थां चीठ्ठी देई करी तिन्हा जो भेजी दिंगा ताकि तिन्हा कने तिन्हेरी पहचान होई जाए ते से तुसा री आर्थिक मदद यरुशलेम बिच पूजाई दैण।

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

3 यूहन्ना 1:12

कलीसिया बिच सारे मणू बोलदे कि दिमेत्रियुस खरा मणू है किजोकी से परमेश्वर रे सच्चे बसेख रे हिसाब कने चलदा। ते असी भी बोलदे कि से खरा मणू है ते तू ए जाणदा कि असा री गवाई सच्ची है।