प्रेरितां रे कम्म 6:11 - चम्बयाली नौआ नियम

¹¹ इस पर “दास्तव मुक्त” समुह रे लोक्कां ने दूए होर लोक्कां जो स्तिफनुस रे खिलाफ झूठ बोलणे तांइ उकसाया, “से मणू बोलणा लग्गे, असी इसजो मूसा ते परमेश्वर री बेजती करदे सुणे रा है।”

प्रेरितां रे कम्म 6:11 ပူးပေါင်းရင်းမြစ်များ

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 9:29

असी जाणदे कि परमेश्वर ने मूसा कने गल्लां कित्ती पर इस मणू जो नी जाणदे कि ए कुते रा हैं?

प्रेरितां रे कम्म 15:21

किजोकी पुराणे बेल्ले का सहर-शहर मूसा रे कानून रा प्रचार करणे वाले चली आया करदे हिन, मूसा रे कानून हर विश्राम दिन सभास्थल बिच पढ़े जांदे हिन।

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

प्रेरितां रे कम्म 21:28

ओ इस्राएलियों, मदद करो ए से ही मणू है, जे लोक्कां रे ते मूसा रे कानून रे अते इस जगाह् रे खिलाफ हर जगाह् सबणी मणूआं जो सखांदा, होर ता होर, यूनानी मणूआं जो भी मन्दिर अन्दर अणी करी तिनिए इस पवित्र जगाह् जो अपवित्र कित्तेया

प्रेरितां रे कम्म 25:3

ते से अप्पु तांइ तिसका छन्दे करी के पौलुस रे खिलाफ बोलणा लगे कि से तिसजो यरुशलेम अन्दर सदवाओ, किजोकी से तिसजो रस्ते अन्दर ही मारी रखणे री भाल बिच थिये।

प्रेरितां रे कम्म 25:7

जां से आया, तां जे यहूदी अधिकारी यरुशलेम का आए रे थिये, तिन्हा ने अपणे-अपणे खड़े होई करी पौलुस पर मते सारे बड्डे-बड्डे इल्जाम लाये, जिन्हेरा सबूत से नी देई सकदे थिये।

प्रेरितां रे कम्म 26:11

हर इक्क सभास्थल अन्दर मैं तिन्हा जो सजा दुआई-दुआई करी यीशु री बेजती करान्दा थिया ते होर तां होर, लेर री वजह कने इदेया पागल होई गेया कि दूए सहरां अन्दर भी जाई करी तिन्हा जो तंग करदा थिया।

प्रेरितां रे कम्म 6:10

से मणू तिन्हा गल्लां रा जवाब नी देई सके जे स्तिफनुस बोल्लेया करदा थिया किजोकी पवित्रात्मा ने तिसजो समजदारी कने जवाब दैणे री ताकत दित्ती थी।

प्रेरितां रे कम्म 6:12

ते “दास्तव मुक्त” समुह रे लोक्कां ने दूए लोक्कां जो ते बुजुर्ग लोक्कां ते शास्त्रियां जो भड़काया ते तिन्हा ने स्तिफनुस जो पकड़ेया ते सभास्थल बिच लेई आए।

प्रेरितां रे कम्म 6:13

ते झूठ्ठे गवाह खड़े कित्ते, जिन्हा ने स्तिफनुस पर इल्जाम लाया, “ए मणू इस पवित्र जगाह् ते मूसा रे कानून रे विरोध बिच बोलदा रैहन्दा।”

रोमियों 3:8

किच्‍छ मणू असा पर ए इल्जाम लांदे कि असी लोक्कां जो इय्यां सिखांदे, “आओ असी बुराई करदे रैह्ण, ताकि जादा भलाई हो। पर इदेइ इल्जाम लाणे वाले मणू सजा जोग्गे हिन।”

1 तीमुथियुस 1:13

मसीह बिच विश्वास करणे पैल्ले तां मैं तिन्हेरी बुराई करदा थिया, विश्वासी लोक्कां पर जुल्म करी के बड़ी बेरहमी कने तिन्हेरा नुक्सान करदा थिया पर फिरी भी परमेश्वर ने मेरे पर दया कित्ती किजोकी मेरे जो नी पता थिया कि मैं जे करेया करदा है से गलत है किजोकी तिस बेल्ले तक मैं मसीह यीशु बिच विश्वास नी कित्तेया थिया।