प्रेरितां रे कम्म 6:1 - चम्बयाली नौआ नियम

¹ तिन्हा दिनां बिच जां प्रेरितां री गिनती मती बधणा लग्गी, तां यूनानी भाषा बोलणा वाले चेल्‍ले इब्रानी भाषा बोलणे वाले प्रेरितां पर कुड़कुडा़णा लग्गे, कि हर दिन री सेवकाई बिच असा री विधवा जनानियां री खैर-खबर नी लिदें।

प्रेरितां रे कम्म 6:1 ပူးပေါင်းရင်းမြစ်များ

मत्ती 23:13

ओ ढोंगी शास्त्रियों, ते फरीसी लोक्कों, तुसा पर लाणत है! तुसा लोक्कां जो स्वर्ग रे राज बिच नी जाणा दिंदे, ना तां अप्पु खुद उस बिच जांदे अते ना ही उन्हा जो जाणे दिंदे जे जाणे तांइ कोसीस करेया करदे हिन।

प्रेरितां रे कम्म 11:20

पर तिन्हा बिच का किच्‍छ साइप्रस द्वीप ते कुरेनी प्रदेश रे रैहणेवाले मणू थिये, जे अन्ताकिया सहर अन्दर आई करी यूनानियां जो भी प्रभु यीशु री सुब बसेख रा सूणाणा लग्गे।

प्रेरितां रे कम्म 11:26

ते जां तिन्हा कने मिल्लेया तां से तिन्हा जो अन्ताकिया सहर लेई आया, ते इय्यां होया कि पौलुस ते बरनबास इक्क साल तांइ कलीसिया कने मिलदे ते बड़े जणेया जो मसीह यीशु रा उपदेस दिंदे रे, ते चेल्लेया बिच सबका पैल्ले अन्ताकिया बिच मसीही बोल्लेया गेया।

प्रेरितां रे कम्म 11:29

तां चेल्‍लेयां ने फैसला लित्तेया, कि हर इक्क अपणी-अपणी पूंजी रे हिसाब कने यहूदियां प्रदेश बिच रैह्णे वाले हर इक्क संगी विश्वासी री सेवा तांइ किच्‍छ ना किच्‍छ भेजण।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 2:45

से अपणी जायदाद ते समान बेच्ची-बेच्ची करी जदेई जिसेरी जरुरत हुंदी थी बंड्डी देया करदे थिये

प्रेरितां रे कम्म 2:47

ते परमेश्वर री तारीफ करेया करदे थिये, ते सारे मणू तिन्हा का खुस थिये: ते जे छुटकारा पादें थिये, तिन्हेरे जो प्रभु हर दिन तिन्हा बिच मलाई दिदें थिये।

प्रेरितां रे कम्म 4:35

ते जदेई जिसेरी जरुरत हुंदी थी तिसेरे हिसाब कने हर इक्क जो बंड्डी देया करदे थिये।

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

प्रेरितां रे कम्म 5:14

प्रभु बिच विश्वास करणे वाले मते सारे मणू प्रभु री कलीसिया बिच बड़ी वरी गिनती बिच मिलदे रे।

प्रेरितां रे कम्म 5:28

तां बड्डे पुरोत्त ने तिन्हेरे जो पूच्छेया, कै असा ने तुसा जो चितौणी देई करी हुकम नी दित्तेया थिया कि तुसा इस नां कने उपदेस मत करदे? तां भी तुसा ने सारे यरुशलेम सहर जो अपणे उपदेस कने भरी रख्खे रा है ते तिस मणू रा खून रा इल्जाम असा री सिर पर लाणा चाहंदे।

प्रेरितां रे कम्म 6:2

तां तिन्हा बारां चेल्‍लेयां ने विश्वासी लोक्कां री मण्डली जो अपणे का सद्दी करी बोल्लेया, ए ठीक नी कि असी परमेश्वर रा वचन छड्डी करी खिलाणे-पिलाणे री सेवा बिच लग्गी रैह्ण।

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।

प्रेरितां रे कम्म 9:29

ते बिना डरे प्रभु रे नां लेई करी प्रचार करदा थिया ते यूनानी भाषा बोलणे वाले यहूदियां कने गल्ल-बात ते बहस-बाजी करदा थिया, पर से तिसजो मारी रखणे री कोसीस करणा लग्गे

प्रेरितां रे कम्म 9:39

तां पतरस उठी करी तिन्हेरे कने गेया ते जां से पूज्जेया तां से तिसजो तिस अटारी पर लेई गे सारी विधवा जनानियां आई करी तिसका खड़ी गई, ते जे कपड़े दोरकास ने तिन्हेरे कने रेई करी बणाए थिये से दिखाणा लग्गी

प्रेरितां रे कम्म 9:41

तिसने हत्थ देई करी तिसजो खड़ेरेया ते परमेश्वर रे लोक्कां ते विधवा जनानियां जो सद्दी करी तिन्हेरे जो से जिन्दी दिखाई दित्ती

रोमियों 12:7

अगर कुसकी जो लोक्कां री सेवा करणे रा वरदान मिल्ले रा हो, तां सेवा करणे बिच लग्गी रेयो। जे अगर कुसकी जो शिक्षा दैणे रा वरदान हो, तां से शिक्षा दैणे बिच लग्गी रेयो।

1 कुरुन्थियों 10:10

ते ना तुसा कुड़कुड़ाओ, जिय्यां कि तिन्हा बिच का मते जणे कुड़कुड़ाए थिये ते परमेश्वर रे भेज्जे रे इक्क स्वर्गदूत ने तिन्हा जो मारी रख्खेया।

2 कुरुन्थियों 11:22

कै से इब्रानी मणू हिन? मैं भी इब्रानी मणू है। कै से इस्राएली मणू हिन? मैं भी इस्राएली मणू है। कै से अब्राहम रे वंश रे हिन? मैं भी अब्राहम रे वंश रा है।

फिलिप्पियों 3:5

जां मेरे पैदा होणे रे अठमे दिन पर परमेश्वर रे हुकमां रे हिसाब कने मेरा खतना होया, मैं पैदाइसी इस्राएली है ते बिन्यामीन गोत्र रा है, मेरे मां-प्यो यहूदी हिन, ते मैं इब्रानी है, ते मूसा रे कानून जो मनणे बिच मैं फरीसी है।

1 तीमुथियुस 5:3

विधवा जनानियां री इज्जत करेया करो जिन्हा जो संभालणे ते तिन्हेरी देख-रेख करणे वाला कोई नी है।

1 तीमुथियुस 5:9

जां कोई विधवा जनानी साठ्ठ साल री उमर री होई जांदी तां तिसेरा ही नां विधवा जनानियां री सुची बिच लिख्खेया जाए ते से विधवा जनानी सिर्फ इक्क ही मणू री लाड़ी रेई री हो।

इब्रानियों 13:1

भाईचारे रे रा प्यार बणी रे।

याकूब 1:27

असा रे परमेश्वर पिता री नजर बिच सच्ची ते सुच्ची भक्ति ए है कि अनाथ ते विधवा रे दुख बिच तिन्हेरा ख्याल रखणा, ते अप्पु दुनिया रे बुरे कम्मां का दुर रैह्ण जे तुसा जो बिगाड़दे।

याकूब 4:5

तुसा जो ए समझणा चाएदा की परमेश्वर पवित्रशास्त्र बिच ए बोलदे, “जिस आत्‍मा जो परमेश्वर ने असा रे अन्दर बसाए रा है, से हिर्स नी करदा जे अगर असी परमेश्वर रे अलावा असी होर कुसकी कने प्यार रखदे।”

याकूब 5:9

ओ संगी विश्वासियों, इक्क दूज्जे पर मत कुड़कुड़ाओ, ताकि परमेश्वर जे हाकिम है तुसा जो सजा ना दे, ते से अवे बड़े नेड़े है ते वस पुजणे ही वाला है।