प्रेरितां रे कम्म 5:4 - चम्बयाली नौआ नियम

⁴ जां तिकर से तेरे का थी, कै तेरी नी थी? ते जां से बिकी गई, कै तेरे वस बिच नी थी? ए बुरी गल्ल तैं अपणे मन बिच किजो सोच्ची? तैं मणूआं कने नी पर परमेश्वर कने झूठ बोल्ले रा है।

प्रेरितां रे कम्म 5:4 ပူးပေါင်းရင်းမြစ်များ

लूका 10:16

यीशु ने ए भी बोल्लेया, कि जे मणू तुसा री गल्लां पर विश्वास करगा, इसेरा मतलब ए होणा कि तिनिए मेरे पर भी विश्वास करी लेया, ते जे तुसा जो नक्कारी दिंदा, तिनिए मेरे जो भी नक्कारी दित्तेया, ते जे मेरे जो नक्कारी दिंदा, तिसेरा मतलब ए होणा कि तिनिए मेरे भेजणे वाले परमेश्वर जो भी नक्कारी दित्तेया।

प्रेरितां रे कम्म 5:3

पतरस ने बोल्लेया, ओ हनन्याह! शैतान ने ए गल्ल तेरे मन बिच किजो पाई की तू पवित्रात्मा कने झूठ बोल्ले, ते अपणी जायदाद बिच का थोड़ा हिस्सा बेच्चेया थिया, तिसेरे दाम बिच का किच्‍छ रख्खी छड्डे?

प्रेरितां रे कम्म 5:9

पतरस ने तिसजो बोल्लेया, ए कै गल्ल है कि तुसा दोन्नां ने प्रभु री आत्‍मा री परिक्षा तांइ इक्क मन बणाया? दिख, तेरे लाड़े रे गाड़णे वाले दुआर पर ही खड़ित्ते रे हिन ते तेरे जो भी बाहर लेई जाणा

1 कुरुन्थियों 8:8

पर रोट्टी असा जो परमेश्वर रे नेड़े नी लाई सकदी। खाणे का मना करणे कने असी परमेश्वर जो घट खुस करणे वाला नी बणी जांदे। ते ना ही खाणे कने असी परमेश्वर जो जादा खुस करी सकदे।

1 थिस्सलुनीकियों 4:8

जे मणू इन्हा शिक्षाओं जो नी मनदा से कुसकी इन्सान जो नी पर परमेश्वर जो तुच्छ मनदा जे तुसा जो अपणा पवित्रात्मा दिंदे।

फिलेमोन 1:14

पर मैं तेरी मर्जी रे बगैर किच्‍छ भी नी करणा चाह्‍ंदा ताकि तू कुसकी दवाब बिच नी पर अपणी खुसी कने मेरी मदद करे।

याकूब 1:15

फिरी जां बुरे कम्म करणे री इच्छा बदधी तां मणू पाप करदे; ते जां मणू पाप करदे तां तिसेरा नतीज्जा हमेसा री मौत हुंदा।