प्रेरितां रे कम्म 5:30 - चम्बयाली नौआ नियम

³⁰ असा रे बाबे-दादेयां रे परमेश्वर ने यीशु जो जिन्दा कित्तेया, जिस जो तुसा ने सुली पर लटकाई करी मारी रख्खेया थिया।

प्रेरितां रे कम्म 5:30 ပူးပေါင်းရင်းမြစ်များ

लूका 1:55

जिय्यां कि तिन्हा ने असा रे पुरखे अब्राहम ते तिन्हेरे पूरे ‍खानदान कने वादा कित्तेया थिया,”

लूका 1:72

तिन्हा ने ए सब किच्‍छ असा तांइ इधेरे तांइ करणा किजोकी तिन्हा ने जे वादा असा रे पूरखां कने कित्तेया थिया, से तिसजो नी भुल्ले।

प्रेरितां रे कम्म 10:39

अते असा उन्हा सबणी कम्मां रे गवाह हिन, जे तिन्हा ने यहूदियां प्रदेश ते यरुशलेम सहर बिच भी कित्ते थिये, ते यहूदी अधिकारियां ने यीशु जो सुली पर टंगी करी मारी छड्डेया।

प्रेरितां रे कम्म 13:33

कि परमेश्वर ने यीशु जो मुर्देयां बिच का जिंदा करी के, से वादा असा री औलाद तांइ पूरा कित्तेया, जिय्यां कि दूज्जे भजन बिच लिख्खे रा है, कि तू मेरा निक्का है, अज्ज मैं तिज्जो जन्म दित्तेया।

प्रेरितां रे कम्म 2:32

इसी यीशु जो परमेश्वर ने जिन्दा कित्तेया, जिसेरे असी सारे गवाह हिन

प्रेरितां रे कम्म 22:14

फिरी तिसने बोल्लेया, असा रे पूरखां रे परमेश्वर ने तिज्जो इस तांइ चुणे रा है ताकि तू तिन्हेरी मरजी जो जाणे, ते तिस धार्मिक मसीह जो दिख्खे ते तिन्हेरे गल्लां सुणे।

प्रेरितां रे कम्म 3:26

परमेश्वर ने अपणे सेवक जो मरे रे लोक्कां बिच का जिन्दा करी के पैल्ले तुसा का भेज्जेया, कि तुसा बिच का हर इक्क जो तिन्हेरी बुराईयां का हटाई करी तिन्हेरे पास्से लेई आए ते आशीष दे।

गलातियों 3:13

मसीह यीशु ने असा जो मूसा रे कानून रे श्राप का छुटकारा दैणे तांइ तिस श्राप जो अपणे उप्पर लेई करी सुली पर अपणी जान देई दित्ती, किजोकी पवित्रशास्त्र बिच लिख्खे रा है, “शापित है से मणू जे सुली पर मरदा।”

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।