प्रेरितां रे कम्म 5:26 - चम्बयाली नौआ नियम

²⁶ जां तिनिये सूणेया तां सरदार ने पैहरेदारां कने जाई करी, तिन्हेरे जो लेई आया, पर जोर-जबरदस्ती कने नी, किजोकी से लोक्कां का डरदे थिये कि असा पर बट्टे ना सुटण।

प्रेरितां रे कम्म 5:26 ပူးပေါင်းရင်းမြစ်များ

मत्ती 14:5

इधेरे तांइ हेरोदेस तिसजो मारी दैणा चांह्दा थिया, पर से लोक्कां का डरदा थिया किजोकी मणू यूहन्ना जो भविष्यद्वक्ता मनदे थिये।

मत्ती 21:26

ते जे बोलिये मणूआं रे पास्से का, तां असा जो भीड़ रा डर है, किजोकी से सारे यूहन्ना जो भविष्यद्वक्ता मनदे।

मत्ती 26:5

पर से बोलदे थिये, पर्व रे बेल्ले नी कुथकी इय्यां ना हो की लोक्कां रे मन बिच बलवा मची जाए।

मत्ती 26:58

पतरस दुर ही दुर तिन्हेरे पीच्छे-पीच्छे प्रधान पुरोत्त रे अगँण तिकर गेया, ते अन्दर जाई करी प्यादेयां कने बेई गेया ताकि से दिख्खी सके कि अवे आखर तिकर क्‍या-क्‍या होणा।

लूका 20:19

तिस्सी बेल्ले शास्त्रि अते बड्डे पुरोत्त ने कोई तिगड़म लाई करी यीशु जो पकड़ी लैणा चाह्‍ंदे थिये किजोकी से समजी गेरे थिये, कि यीशु ने से उदारण तिन्हेरे ही खिलाफ बोल्लेया पर से मणूआं का डरदे थिये।

लूका 20:6

अते अगर असा ने बोल्लेया, कि मणूआं रे पास्से का थिया, तां इत्ते जितणे भी मणू हिन तिन्हा असा जो मारी छडणा, किजोकी इन्हा मणूआं री नजरा बिच यूहन्ना तां इक्क भविष्यद्वक्ता थिया

लूका 22:2

उत्ते बड्डे पुरोत्त अते शास्त्रि यीशु जो मारणे री ताक बिच थिये पर से मणूआं का डरदे थिये।

लूका 22:4

तिन्ने जाई करी बड्डे पुरोत्त अते सभास्थल रा पैह्रा दैणे वालेयां रे प्रधाना कने मिली करी सलाह कित्ती कि से यीशु जो तिन्हा का किय्यां पकडवाई सकदा

प्रेरितां रे कम्म 4:21

तां तिन्हा ने तिन्हेरे जो होर धमकाइ करी छड्डी दित्ता, किजोकी लोक्कां री वजह कने तिन्हेरे जो सजा दैणे रा कोई मोक्कां नी मिल्लेया, इधेरे तांइ जे गल्ल होए री थी तिसेरी वजह कने सारे मणू परमेश्वर री बड़ाई करेया करदे थिये।

प्रेरितां रे कम्म 5:13

पर होर लोक्कां बिच का कुसकी जो ए हिम्मत नी हुदी थी कि तिन्हा प्रेरितां बिच जाई मिल्ले, तां भी मणू तिन्हेरी बड़ाई करदे थिये।

प्रेरितां रे कम्म 5:22

पर मन्दिर रे पैहरेदारां जां तित्ते पूज्जी ते दिख्खेया कि से मणू तित्ते नी हिन, ते हटी करी तिन्हेरे जो खबर दित्ती,

प्रेरितां रे कम्म 5:24

जां मन्दिर रे पैहरेदारां रे सरदार ते बड्डे पुरोत्तां ने ए खबर सूणी, तां तिन्हेरे बारे बिच बड़ी चितां बिच पेई गे कि तिन्हेरा कै होया!

प्रेरितां रे कम्म 5:25

इन्ने बिच कुसकी ने आई करी तिन्हेरे जो दस्सेया, दिख्खो, जिन्हा जो तुसा जेलखाने बिच बांद्द करी के रख्खे रा थिया, से मणू मन्दिर बिच खड़ित्ते रे लोक्कां जो उपदेस देया करदे हिन