प्रेरितां रे कम्म 5:20 - चम्बयाली नौआ नियम

²⁰ जाओ, मन्दिर बिच खड़ी करी इस हमेसा री जिन्दगी री गल्लां सारे लोक्कां जो सुणाओ।

प्रेरितां रे कम्म 5:20 ပူးပေါင်းရင်းမြစ်များ

मत्ती 10:27

जे मैं तुसा रे कने न्यहारे बिच बोलदा तिसजो तुसा लौ बिच बोलो अते जे मैं तुसा रे कन्ना बिच बोल्लेया है, तिसजो घरे री छत्त पर चढ़ी करी प्रचार करो।

मत्ती 21:23

से मन्दिर बिच जाई करी भाषण देया करदे थिये, तां बड्डे पुरोत्त ते यहूदी लोक्कां रे बुजुर्ग लोक्कां ने तिसेरे का जाई करी तिन्हेरे का पूच्छेया, तू ए कम्म कुस हक्क कने करदा? ते तेरे जो ए हक्क कुनिये दित्ते रा है?

यूहन्ना 12:50

ते मैं जाणदा कि तिन्हेरे हुकम हमेसा री जिन्दगी रे रस्ते पर लेई चलदे, इस तांइ मैं जे किच्‍छ भी बोलदा से ही बोलदा जैसा पिता मेरे जो बोलदे।

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 18:20

यीशु ने तिसजो जवाब दित्तेया, मैं हमेसा लोक्कां रे सामणे खुली करी गल्ल कित्ती, मैं हमेसा सभास्थल बिच अते मन्दिर बिच, जित्ते सारे यहूदी इकट्ठा हुन्दे उपदेस दित्ती है मैं किच्‍छ भी लुकाई करी नी बोल्लेया

यूहन्ना 6:63

आत्‍मा ते जिन्दगी दिंदी, पर सरीर कने किच्‍छ फैदा नी है, जेडी गल्लां मैं तुसा जो बोल्ली, से पवित्रात्मा रे पास्से का है, जे जिन्दगी दिंदा।

यूहन्ना 6:68

शमौन पतरस ने तिसजो जवाब दिता, ओ प्रभु, असी कुसका जाईए? तुसा का हमेसा री जिन्दगी रे वचन हिन।

प्रेरितां रे कम्म 11:14

तिन्ने तुसा कने इदेइ गल्लां बोलणी, जिन्हा कने परमेश्वर ने तिज्जो तेरे पूरे टब्बर जो छुटकारा दैणा।

प्रेरितां रे कम्म 13:26

ओ भाईयों, तुसा जे अब्राहम री औलाद हिन, ते जे तुसा परमेश्वर रा डर मनणे वाले हिन, परमेश्वर ने तुसा तांइ मसीह यीशु रे बारे बिच ए बसेख भेज्जे रा है जे लोक्कां जो बचांदे।