प्रेरितां रे कम्म 5:2 - चम्बयाली नौआ नियम

² ते तिस रक्म का अप्पु जो थोड़ा बचाई लित्ता ते से गल्ल तिसेरी लाड़ी भी जाणदी थी, ते तिसेरा किच्‍छ हिस्सा अणी करी प्रेरितां जो सौंपी दित्तेया।

प्रेरितां रे कम्म 5:2 ပူးပေါင်းရင်းမြစ်များ

मत्ती 23:5

से ठीक कम्म इधेरे तांइ करदे कि मणू उन्हा जो दिखण, से पवित्रशास्त्र रे लिख्खे री वचनां री लम्बी-लम्बी पट्टियां अपणे जिस्म पर बन्नी करी फिरदे, अते अपणे कपड़ेयां री झालरां जो बड़ा बड्डा करदे।

यूहन्ना 12:6

तिनिये ए गल्ल इस तांइ नी बोल्ली कि तिसजो गरीबां री चिन्ता थी, पर इस तांइ किजोकी ओ चोर थिया, ते उन्हेरी पैसे री थैल्ली हमेसा तिसका रैहंदी थी, ते जे किच्‍छ भी उस बिच पाया जादां थिया, ओ कड्डी लिदां थिया।

प्रेरितां रे कम्म 2:44

ते सारे विश्वास करणे वाले कठ्ठे रैह्‍न्दे थिये, ते तिन्हेरी सारी चीजां आपस बिच साझे बिच थी।

प्रेरितां रे कम्म 4:37

तिसेरी किच्‍छ जमीन थी, जिस जो तिसने बेच्चेया ते दाम रे पैसे लाई करी प्रेरितां जो सौंपी दित्तेया ताकि से लोक्कां बिच तिन्हेरी जरुरत रे हिसाब कने बंड्डी सकण।

प्रेरितां रे कम्म 5:1

हनन्याह नां रे इक्क मणू ते तिसेरी लाड़ी सफीरा ने अपणी जायदाद रा किच्‍छ हिस्सा बेच्चेया,

प्रेरितां रे कम्म 5:3

पतरस ने बोल्लेया, ओ हनन्याह! शैतान ने ए गल्ल तेरे मन बिच किजो पाई की तू पवित्रात्मा कने झूठ बोल्ले, ते अपणी जायदाद बिच का थोड़ा हिस्सा बेच्चेया थिया, तिसेरे दाम बिच का किच्‍छ रख्खी छड्डे?

प्रेरितां रे कम्म 5:8

तां पतरस ने तिसजो बोल्लेया, मेरे जो दस्स कै तुसा दोन्नां ने तिस जमीन इन्ने बिच ही बेचि थी? तिसने बोल्लेया, हाँ, इन्ने बिच ही।

फिलिप्पियों 2:3

मतलबीपन या झूठ्ठी बड़ाई तिकर किच्‍छ मत करो, पर दीनता कने इक्क दुजे जो अप्पु का बदिया समझो।

1 तीमुथियुस 6:10

किजोकी पैसे रा लालच हर तरिक्के री बुराई री जड़ है, किच्‍छ लोक्कां बिच पैसे री चाह्‍त इन्नी जादा है कि तिन्हा ने मसीह यीशु री शिक्षा जो मनणा ही छड्डी दित्तेया, ते से मणू इन्ना जादा तड़पेया करदे हिन जिय्यां कि कुसकी मणू ने अप्पु जो कुसकी हथियार कने छलनी करी दित्तेया हो।