प्रेरितां रे कम्म 5:16 - चम्बयाली नौआ नियम

¹⁶ यरुशलेम सहर रे नेड़े-तेड़े रे सहरां बिच का भी विश्वासी मणू बिमार ते दुष्टात्मा रे सताए रे लोक्कां जो लाई करी कठिदें थिये, ते से सारे प्रेरितां रे जरिए ठीक करी दित्ते जादें थिये।

प्रेरितां रे कम्म 5:16 ပူးပေါင်းရင်းမြစ်များ

मत्ती 2:16

जां हेरोदेस राज्जे ने ए दिख्खेया, कि ज्योतिषियां ने तिस कने धोखा कित्तेया है, तां से बड़े वरी गुस्से कने भरी गेया। तिनिये मणूआं जो हुकम देई करी भेज्जेया ताकि से बैतलहम कस्बे अते तिसेरे नेड़े-भेड़े रे सबणी इलाकेयां बिच रैह्णे वाले दो साल्ले रे या इसका छोटे सबनां मुडेंया जो मारी दैण। हेरोदेस ने ए सब ज्योतिषियां रे दस्से रे बेल्ले रे हिसाब कने कित्तेया जां तिन्हा ने से तारा दिख्खेया।

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

मत्ती 8:16

जां सँझ होई, तां मणू उन्हा का इदेय बड़े मणूआं जो लेई करी आये जिन्हा बिच दुष्टात्मा थी, अते उसने अपणे इक्क ही शब्द कने दुष्टात्मा जो निकाली दित्तेया इस तरिक्के कने उसने सब बिमारां जो खरा करी दित्तेया।

लूका 5:17

इक्क रोज इय्यां होया, यीशु मणूआं जो उपदेस देया करदे थिये ते फरीसी ते शास्त्रि मणू तित्ते बैठ्ठे रे थिये, जे कि गलील प्रदेश ते यहूदियां प्रदेश रे हर इक्क ग्रां अते यरुशलेम सहर का आये रे थिये, ते मणूआं जो खरा करणे तांइ प्रभु री ताकत यीशु कने थी।

लूका 6:18

ए सब यीशु री उपदेस सुनणे तांइ अते अपणी-अपणी बमारियाँ का खरा होणे तांइ आये रे थिये यीशु ने तित्ते बड़े मणूआं बिच का दुष्टात्मा जो कड्डेया।

लूका 9:11

पर मणूआं जो पता लग्गी गेया ते से भी तिन्हेरे पीच्छे चली पे यीशु ने तिन्हेरा सुआगत कित्तेया ते यीशु ने तिन्हा जो परमेश्वर रे राज करणे रे बारे अन्दर दस्सेया अते जे ठीक होणा चाह्‍ंदे थिये तिन्हा मणूआं जो खरा कित्तेया

यूहन्ना 14:12

मैं तुसा कने सच-सच बोलदा, जे मेरे पर विश्वास रखदा, ए कम्म जे मैं करदा, तिन्ने भी करणे पर तिन्ने इन्हा का भी बड्डे-बड्डे कम्म करणे किजोकी मैं पिता का चलेया

प्रेरितां रे कम्म 4:30

जिस बेल्ले ठीक करणे तांइ तुसा अपणा हत्थ बधाओ कि चिन्ह-चमत्कार ते अनौखे कम्म तुसा रे पवित्र सेवक यीशु रे नां कने कित्ते जाण।

प्रेरितां रे कम्म 5:15

प्रेरितां रे कम्म रा ए नत्तीजा रेया कि मणू बिमारां लोक्कां जो सड़कां पर अणी-अणी करी मज्जेयां ते झुल्लेयां पर लेटाई दिदें थिये ताकि जां पतरस आये तां तिसेरी परछाई ही तिन्हा बिच का कुसकी पर पेई जाए।

प्रेरितां रे कम्म 5:17

तां प्रधान पुरोत्त ते तिसेरे सारे साथी जे सदूकियां रे पथं का थिये, हिर्स कने भरी गे।

1 कुरुन्थियों 12:9

से आत्‍मा इक्क जणे जो मसीह यीशु बिच बड़ा जादा विश्वास करणे री खूबी दिंदा, ते से ही आत्‍मा दूए मणू जो लोक्कां री बिमारियां ठीक करणे री खूबी दिंदे।

याकूब 5:16

इधेरे तांइ तुसा अप्पु बिच इक्क-दूए रे सामणे अपणे-अपणे पाप्पां जो मन्नी लेयो, ते इक्क-दूए तांइ प्रार्थना करो, जिस कने तुसा अपणी बिमारियां का ठीक होई जाओ। धार्मिक मणू री प्रार्थना रे असर कने सब कुछ होई सकदा।