प्रेरितां रे कम्म 5:14 - चम्बयाली नौआ नियम

¹⁴ प्रभु बिच विश्वास करणे वाले मते सारे मणू प्रभु री कलीसिया बिच बड़ी वरी गिनती बिच मिलदे रे।

प्रेरितां रे कम्म 5:14 ပူးပေါင်းရင်းမြစ်များ

प्रेरितां रे कम्म 11:24

बरनबास इक्क भला मणू थिया, ते पवित्रात्मा रे वस बिच थिया, ते बड़े मणूआं ने प्रभु जी जो अपणाया

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 2:47

ते परमेश्वर री तारीफ करेया करदे थिये, ते सारे मणू तिन्हा का खुस थिये: ते जे छुटकारा पादें थिये, तिन्हेरे जो प्रभु हर दिन तिन्हा बिच मलाई दिदें थिये।

प्रेरितां रे कम्म 22:4

मैं मसीह बिच विश्वास करणे वाले लोक्कां जो इन्ना जादा तंग कित्तेया कि उन्हेरे प्राण तक लेई लै मैं जनानी अते मड़दा दोनां जो बन्नी करी जेला पाई दित्तेया।

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।

प्रेरितां रे कम्म 8:12

पर जां लोक्कां ने परमेश्वर रे राज ते मसीह यीशु रे नां रा विश्वास कित्तेया जिन्हेरा सुब बसेख फिलिप्पुस सुणाया करदा थिया, तां मते सारे मणू तिसका बपतिस्मा लैणा लगे।

प्रेरितां रे कम्म 8:3

पर शाऊल कलीसिया रे लोक्कां पर जुल्म करदा थिया ते सारे जनानियां ते मर्दां जो धृड़ी-धृड़ी करी जेल बिच पाया करदा थिया।

प्रेरितां रे कम्म 9:2

ते तिसका दमिश्क कस्बे रे सभास्थल रे नां पर इस गल्ल पर चीठ्ठियां मगीं कि कै मर्द ते कै जनानी, जे भी मसीह यीशु रे पंथ पर चलदे, तिन्हा जो कैद करी के यरुशलेम सहर लेई आए।

प्रेरितां रे कम्म 9:31

इस तरिक्के कने सारे यहूदियां, गलील ते सारे सामरिया रे प्रदेशां बिच कलीसिया जो सांती मिल्ली अते तिसेरी तरक्की हुंदी गेई, ते से प्रभु रे डर ते पवित्रात्मा रे जरिए कलीसिया बिच मणू बदधे गे ते सारे खुशहाल रे।

प्रेरितां रे कम्म 9:35

तां लुद्देया ते शारोन कस्बे रे सारे रैह्णे वालेयां ने तिसजो दिख्खी करी प्रभु यीशु पर विश्वास कित्ता।

प्रेरितां रे कम्म 9:42

ए गल्ल सारे याफा कस्बे बिच फैली गई अते मते जणेया ने प्रभु यीशु पर विश्वास कित्तेया।

2 कुरुन्थियों 6:15

ते मसीह यीशु जी रा शैतान कने कोई लैणा-दैणा नी है, ते विश्वासी कने अविश्वासी रा कोई नात्ता नी है।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।