प्रेरितां रे कम्म 5:13 - चम्बयाली नौआ नियम

¹³ पर होर लोक्कां बिच का कुसकी जो ए हिम्मत नी हुदी थी कि तिन्हा प्रेरितां बिच जाई मिल्ले, तां भी मणू तिन्हेरी बड़ाई करदे थिये।

प्रेरितां रे कम्म 5:13 ပူးပေါင်းရင်းမြစ်များ

लूका 19:48

पर, से यीशु जो मारणे तांइ कोई बेतर नी लाई सके, किजोकी मणू बड़ा मन लाई करी यीशु री गल्लां सूणदे थिये।

यूहन्ना 12:42

तां भी अधिकारियां बिच मते लोक्कां ने उस पर विश्वास कित्तेया, पर फरीसियां री वजह कने खुल्ली करी नी मन्दे थिये, कि कुते ऐसा ना हो कि ओ सभास्थल का बाहर कड्डी दित्ते जाण।

यूहन्ना 19:38

इन्हा गल्लां रे बाद अरिमतिया ग्रां रे यूसुफ ने जे यीशु रा चेल्ला थिया, पर यहूदी अधिकारियां रे डर मारे इस गल्ल जो छुपाई रखदा थिया, तिसने पिलातुस का यीशु री लास लेई जाणे तांइ बिनती कित्ती अते पिलातुस ने तिसेरी अर्जी सूणी, अते से आई करी तिन्हेरी लास लेई गेया।

यूहन्ना 9:22

ए गल्लां तिसेरे मां-प्यो ने इस तांइ बोल्ली किजोकी से यहूदी अधिकारी का डरदे थिये, किजोकी यहूदी इक्क पास्से होई गेरे थिये कि जे कोई बोल्ले कि यीशु ही मसीह है, तां सभास्थल बिच का कड्डेया जाए।

प्रेरितां रे कम्म 19:17

ते ए गल्ल इफिसुस सहर रे रैह्णे वाले यहूदी ते यूनानी भी जाणी गे, ते सब जणे बड़े डरी गे, ते प्रभु यीशु रे नां री बड़ाई होर जादा होणा लग्गी।

प्रेरितां रे कम्म 2:47

ते परमेश्वर री तारीफ करेया करदे थिये, ते सारे मणू तिन्हा का खुस थिये: ते जे छुटकारा पादें थिये, तिन्हेरे जो प्रभु हर दिन तिन्हा बिच मलाई दिदें थिये।

प्रेरितां रे कम्म 4:21

तां तिन्हा ने तिन्हेरे जो होर धमकाइ करी छड्डी दित्ता, किजोकी लोक्कां री वजह कने तिन्हेरे जो सजा दैणे रा कोई मोक्कां नी मिल्लेया, इधेरे तांइ जे गल्ल होए री थी तिसेरी वजह कने सारे मणू परमेश्वर री बड़ाई करेया करदे थिये।

प्रेरितां रे कम्म 5:26

जां तिनिये सूणेया तां सरदार ने पैहरेदारां कने जाई करी, तिन्हेरे जो लेई आया, पर जोर-जबरदस्ती कने नी, किजोकी से लोक्कां का डरदे थिये कि असा पर बट्टे ना सुटण।

प्रेरितां रे कम्म 5:5

ए गल्लां सूणदे ही हनन्याह छुड़की पेया ते तिसेरी जान निकली गई ते सारे सुनणे वाले बड़े डरी गे।

2 कुरुन्थियों 10:15

असी सीमा का बाहर दूज्जेयां री मैहनत पर गर्व नी करदे, पर असा जो आस है कि जिस तरिक्के कने तुसा रा विश्वास बदधा जाणा तिस तरिक्के कने असी अपणी सीमा रे हिसाब कने तुसा री वजह कने होर भी जादा लोक्कां जो मसीह रा सुब बसेख सूणाई सकणा।