प्रेरितां रे कम्म 4:7 - चम्बयाली नौआ नियम

⁷ से तिन्हा जो बिच मझाटे खड़ेरी करी पूच्छणा लग्गे कि तुसा ने ए कम्म कुस ताकत ते कुस हक कने कित्तेया।

प्रेरितां रे कम्म 4:7 ပူးပေါင်းရင်းမြစ်များ

मत्ती 21:23

से मन्दिर बिच जाई करी भाषण देया करदे थिये, तां बड्डे पुरोत्त ते यहूदी लोक्कां रे बुजुर्ग लोक्कां ने तिसेरे का जाई करी तिन्हेरे का पूच्छेया, तू ए कम्म कुस हक्क कने करदा? ते तेरे जो ए हक्क कुनिये दित्ते रा है?

मरकुस 11:28

“तू ए कम्म कुस हक कने करदा? मन्दिर बिच ए कम्म करणे रा हक्क तुसा जो कुसने दित्तेया?”

यूहन्ना 2:18

इस पर यहूदी लोक्कां रे अगुवे लोक्कां ने तिसजो बोल्लेया, तू जे ए करदा तां हमारे जो कुण वाला चमत्कार दसदा?

यूहन्ना 8:3

जां से बोल्लेया ही करदे थिये तां शास्त्रि ते फरीसी मणू इक्क जनानी जो लयाये, जे व्यभिचार करदे पकड़ी गे री थी, अते तिसजो लोक्कां सामणे खड़ा करी के यीशु जो बोल्लेया,

यूहन्ना 8:9

ए जाणदे होए कि से सारे ही पाप्पी हिन, इक्क-इक्क करी के, छोटे का लेई करी बड्डे तिकर सारे तिस जगाह् का चली गे, ते यीशु ते से जनानी तिस जगाह् पर किल्ले रेई गे।

प्रेरितां रे कम्म 4:10

तां तुसा सारे इस्राएली लोक्कां ने जाणी लैणा कि जिस नासरत कस्बे रे मसीह यीशु जो, तुसा ने सुली पर चढ़ाया थिया, ते जिस जो परमेश्वर ने मरे रे लोक्कां बिच का जिन्दा कित्ता, तिन्हेरे जरिए ए मणू तुसा रे सामणे ठीक-ठाक खड़ित्ते रा है।

प्रेरितां रे कम्म 4:6

ते प्रधान पुरोत्त हन्ना ते कैफा ते यूहन्ना ते सिकदंर ते बाकि जिन्ने भी बड्डे पुरोत्त रे ‍खानदान रे थिये, सारे यरुशलेम सहर बिच कठ्ठी गे

प्रेरितां रे कम्म 4:8

तां पतरस ने पवित्रात्मा बिच भरी करी तिन्हेरे जो बोल्लेया,

प्रेरितां रे कम्म 5:40

तां तिन्हा ने तिसेरी गल्ल मन्नी लित्ती ते प्रेरितां जो सद्दी करी कुटवाया, ते ए हुकम देई करी छड्डी दित्तेया कि यीशु रे नां कने फिरी कोई उपदेस मत करदे।