प्रेरितां रे कम्म 4:6 - चम्बयाली नौआ नियम

⁶ ते प्रधान पुरोत्त हन्ना ते कैफा ते यूहन्ना ते सिकदंर ते बाकि जिन्ने भी बड्डे पुरोत्त रे ‍खानदान रे थिये, सारे यरुशलेम सहर बिच कठ्ठी गे

प्रेरितां रे कम्म 4:6 ပူးပေါင်းရင်းမြစ်များ

मत्ती 26:3

तां बड्डे पुरोत्त ते प्रजा रे बुजुर्ग मणू काईफा नां रे प्रधान पुरोत्त रे अगँणे कठ्ठी गे,

लूका 3:2

अते तिस बेल्ले हन्ना अते कैफा नां रे बड्डे पुरोत्त थिये, तां, जकरयाह रे निक्के, यूहन्ना बपतिस्मा दैणे वाला, जे कि बियाबान जगाह् अन्दर रैहन्दा थिया, तिसेरे का परमेश्वर रा वचन पूज्जेया।

यूहन्ना 11:49

तां उन्हा बिच काईफा नां रे इक्क मणू ने जे उस साल रा प्रधान पुरोत्त थिया, उन्हा जो बोल्लेया, तुसा किच्‍छ नी जाणदे,

यूहन्ना 18:24

फिरी हन्ना ने तिन्हा जो बन्ने होए रे ही प्रधान पुरोत्त काईफा का भेज्जी दित्तेया।

प्रेरितां रे कम्म 4:7

से तिन्हा जो बिच मझाटे खड़ेरी करी पूच्छणा लग्गे कि तुसा ने ए कम्म कुस ताकत ते कुस हक कने कित्तेया।

प्रेरितां रे कम्म 5:21

जिय्यां तिन्हा जो बोल्लेया गेया थिया, तिस हिसाब कने से भ्यागा उठी करी मन्दिर बिच जाई करी ए उपदेस दैणा लगे, तां प्रधान पुरोत्त ते तिसेरे साथिया ने आई करी महासभा जो ते इस्राएली लोक्कां रे सारे बुजुर्ग मणू जो कठेरेया ते जेलखानेयां बिच ए बोल्ली भेज्जेया कि तिन्हेरे जो लेई आए,