प्रेरितां रे कम्म 4:5 - चम्बयाली नौआ नियम

⁵ किजोकी अगले दिन सरदार, बुजुर्ग ते शास्त्रि मणू यरुशलेम बिच कठिये।

प्रेरितां रे कम्म 4:5 ပူးပေါင်းရင်းမြစ်များ

मरकुस 15:1

भ्याग हुन्दे ही झट-पट बड्डे पुरोत्तां, मन्दिर रे बुजुर्गां अते शास्त्रियां ने बल्कि सारी सभा ने सलाह करी करी यीशु जो बन्नी दित्तेया, अते तिन्हा जो लेई जाई करी पिलातुस हाकम रे हत्थां बिच देई दित्तेया।

लूका 20:1

इक्क रोज इय्यां होया कि जा यीशु मणूआं जो मन्दिर बिच वचना का सिखाया करदे थिये अते परमेश्वर रे सुब बसेख रे बारे दस्सेया करदे थिये तां किच्‍छ बुजुर्ग मणू शास्त्रि ते बड्डे पुरोत्त तिन्हा का आई रे।

लूका 22:66

जां भ्याग होई तां बड्डे पुरोत्तां अते शास्त्रियां समेत मन्दिर रे बुजुर्गां री इक्क सभा बैठ्ठी, फिरी से मणू यीशु जो महासभा बिच लेई आए।

लूका 23:13

फिरी पिलातुस ने बड्डे पुरोत्त अते यहूदी मणूआं जो ते सरदारा जो, सद्देया, ते तिन्हा जो बोल्लेया।

लूका 24:20

अते असा रे बड्डे पुरोत्त अते यहूदी धर्म गुरुआं ने यीशु मौत री सजा दैणे तांइ पकड़वाई दित्तया अते मणूआं ने तिन्हा जो ने सुली पर चढ़ाई दित्ता असी सोच्चे दा थिया कि तिन्हा ने इस्राएल जो गुलामी का छुड़ाणा अते इन सब गल्लां जो होए दे अज्ज तिज्जा रोज है,

प्रेरितां रे कम्म 4:8

तां पतरस ने पवित्रात्मा बिच भरी करी तिन्हेरे जो बोल्लेया,

प्रेरितां रे कम्म 5:34

पर गमलीएल नां रे इक्क फरीसी ने जे शास्त्रि लोक्कां ते सारे लोक्कां बिच बड़ा मन्नेया जादां थिया, सभा बिच खड़ी करी प्रेरितां जो थोड़ी देर तांइ बाहर करी दैणे रा हुकम दित्तेया,

प्रेरितां रे कम्म 6:12

ते “दास्तव मुक्त” समुह रे लोक्कां ने दूए लोक्कां जो ते बुजुर्ग लोक्कां ते शास्त्रियां जो भड़काया ते तिन्हा ने स्तिफनुस जो पकड़ेया ते सभास्थल बिच लेई आए।