प्रेरितां रे कम्म 4:34 - चम्बयाली नौआ नियम

³⁴ तिन्हा बिच कोई भी गरीब नी थिया किजोकी जिन्हा का जमीन या घर थिये से तिन्हेरे जो बेचि-बेच्ची करी बिके री चीजां रा पैसा लेई करी आदें ते प्रेरितां जो सौंपी दिदें थिये,

प्रेरितां रे कम्म 4:34 ပူးပေါင်းရင်းမြစ်များ

मत्ती 19:21

यीशु ने तिसजो बोल्लेया, जे तू पूरा सही होणा चाह्‍ंदा, तां जे किच्‍छ भी तेरे का है से बेच्ची करी पैसे गरीबां जो बंड्डी दे, ताकि तिज्जो स्वर्ग अन्दर धन-दौलत मिल्ले ते आई करी मेरा चेल्ला बणी जाओ।

मरकुस 10:21

यीशु ने तिस मणू जो दिख्खेया अते तिसजो दाह लाई अते तिसजो बोल्लेया, “हल्ले भी इक्क गल्ल री कमी है, जे किच्‍छ तेरा है, तिसजो बेच्ची करी गरीबां जो बंड्डी दे अते तिज्जो स्वर्ग बिच धन्न मिलणा, फिरी हटी करी मेरा चेल्ला बणने तांइ मेरे पीछे आई जा।”

लूका 12:33

इधेरे तांइ अवे अपणी जायदात बेच्ची करी पैसे गरीबां जो दान करी देयो इय्यां करणे पर तुसा अपणे तांइ स्वर्ग अन्दर धन्न-दौलत कठेरगे जे कि कदी नी मुकणी ते अप्पु जो इदेय बटुए बणाओ जे पुराणे नी हुदें, मतलब अप्पु जो स्वर्ग बिच धन-दौलत कठेरो जे घटदा नी ते जिसेरे नेड़े चोर नी जादां, ते कीड़ा नी तिसजो खराब करता

लूका 16:9

मैं तुसा जो बोलदा कि दुनिया री धन-दौलत कने तुसा दूज्जेयां रा भला करो अते तिन्हा जो अपणा मित्तर बणाई लेयो किजोकी जां तुसा रे मरणे का बाद तुसा जो अपणे कने हमेसा रे स्वर्गीय घर बिच लेई लैणा।

लूका 22:35

तां यीशु ने तिन्हा का पूच्छेया, कि जां मैं तुसा जो बगैर बटुए, बगैर झोले अते बगैर बूट रे सुब बसेख सुनाणे तांइ भेज्जेया थिया, तां तुसा जो कुसकी चीज रा घाट्टा होया थिया? तिन्हा ने जवाब दित्ता, कि ना, कुसकी भी चीज रा घाट्टा नी पेया थिया।

प्रेरितां रे कम्म 2:45

से अपणी जायदाद ते समान बेच्ची-बेच्ची करी जदेई जिसेरी जरुरत हुंदी थी बंड्डी देया करदे थिये

प्रेरितां रे कम्म 4:37

तिसेरी किच्‍छ जमीन थी, जिस जो तिसने बेच्चेया ते दाम रे पैसे लाई करी प्रेरितां जो सौंपी दित्तेया ताकि से लोक्कां बिच तिन्हेरी जरुरत रे हिसाब कने बंड्डी सकण।

2 कुरुन्थियों 8:14

पर इस बेल्ले तुसा री तरक्की, तिन्हेरी कमी-घटी बिच कम्म आए, ताकि तिन्हेरी तरक्की होणा भी तुसा री कमी-घटी बिच कम्म आए। ते सारेयां बिच बराबरी होई जाए।

1 थिस्सलुनीकियों 4:12

कि गैर-विश्वासियां कने खरा बर्ताव करेया करो, ते तुसा जो अपणी जरुरतां तांइ निर्भर नी होणा पे।

1 तीमुथियुस 6:19

जे अगर से मणू इय्यां करदे तां ए इदेया होणा कि जिय्यां से अपणी आणे वाली जिन्दगी तांइ अप्पु तांइ स्वर्ग बिच दौलत कठेरेया करेया करदे होण ते से दौलत कदी भी नी गोचणा। ते तिन्हा जो सच्ची जिन्दगी दित्ती जाणी जे कि हमेसा री जिन्दगी है।

याकूब 1:27

असा रे परमेश्वर पिता री नजर बिच सच्ची ते सुच्ची भक्ति ए है कि अनाथ ते विधवा रे दुख बिच तिन्हेरा ख्याल रखणा, ते अप्पु दुनिया रे बुरे कम्मां का दुर रैह्ण जे तुसा जो बिगाड़दे।