प्रेरितां रे कम्म 4:31 - चम्बयाली नौआ नियम

³¹ जां से प्रार्थना करी बैठे, तां से जगाह् जित्ते से कठित्ते रे थिये, हिली गेया ते से सारे पवित्रात्मा बिच भरी गे, ते परमेश्वर रा वचन हिम्मत कने सुणादे रेय।

प्रेरितां रे कम्म 4:31 ပူးပေါင်းရင်းမြစ်များ

मत्ती 21:22

ते जे किच्‍छ तुसा प्रार्थना भी मेरे का मगंगे से सारा किच्‍छ तुसा जो मिलणा।

यूहन्ना 14:12

मैं तुसा कने सच-सच बोलदा, जे मेरे पर विश्वास रखदा, ए कम्म जे मैं करदा, तिन्ने भी करणे पर तिन्ने इन्हा का भी बड्डे-बड्डे कम्म करणे किजोकी मैं पिता का चलेया

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

प्रेरितां रे कम्म 14:3

ते से बड़े रोज्जां तांइ तित्ते रे, ते प्रभु रे भरोसे पर हिम्मत कने गल्लां कने करदे थिये ते प्रभु तिन्हेरे जरिए का चिन्ह-चमत्कारी कम्म करवाई करी अपणे अनुग्रह रे वचनां पर गवाई दुआंदे थिये।

प्रेरितां रे कम्म 2:1

जां यहूदी लोक्कां रे पिन्तेकुस्त रा त्याहार रा दिन आया, तां से सारे इक्क जगाह् कठित्ते रे थिये।

प्रेरितां रे कम्म 2:2

चाणचक्के ही स्वर्ग का इक्क बड्डे तूफान जदेई सनसनाहट री अवाज होई, ते तिस कने सारा घर जित्ते से बैठ्ठे रे थिये, गुंजी गेया।

प्रेरितां रे कम्म 2:4

से सारे पवित्रात्मा बिच भरी गे, ते जिय्यां पवित्रात्मा ने तिन्हा जो बोलणे री ताकत दित्ती, से बखरी-बखरी भाषा बिच बोलणा लग्गे।

प्रेरितां रे कम्म 4:13

जां तिन्हा ने पतरस ते यूहन्ना री हिम्मत दिख्खी ते ए दिख्खेया कि ए अनपढ़ ते आम मणू हिन तां हैरान होए फिरी तिन्हेरे जो पछाणेया कि ए यीशु कने रे हिन।

प्रेरितां रे कम्म 4:29

अवे ओ प्रभु, तिन्हेरी धमकियां जो सुणो, ते अपणे सेवकां जो ए वरदान देयो कि तुसा रा वचन बड़ी हिम्मत कने सुनाण,

फिलिप्पियों 1:14

ते मेरे कैद होणे री वजह कने बाकि रे विश्वासियां की हिम्मत बधी गे री है। से निडर होई करी हिम्मत कने परमेश्वर रा बसेख सुणाया करदे हिन।

फिलिप्पियों 1:20

मेरी तां ए ही दिल का लालसा ते आस है कि मैं कुसकी गल्ल अन्दर शर्मिंदा ना होआं, पर जिय्यां मेरे हिम्मत कने मसीह रा बसेख सुनाणे री वजह कने मसीह यीशु री बड़ाई मेरे जरिए हमेसा हुंदी आए री है, तिय्यां ही अब्बे भी हो, चाए मैं जियां या मरी जां।

याकूब 1:5

पर अगर तुसा बिच का कुसकी जो समझ री कमी हो, तां से परमेश्वर का मगें, जे खुले दिल कने गलतियां कड्डे बगैर दिंदे भी; ते तिन्हा ने तुसा जो समझ दैणी।