प्रेरितां रे कम्म 4:21 - चम्बयाली नौआ नियम

²¹ तां तिन्हा ने तिन्हेरे जो होर धमकाइ करी छड्डी दित्ता, किजोकी लोक्कां री वजह कने तिन्हेरे जो सजा दैणे रा कोई मोक्कां नी मिल्लेया, इधेरे तांइ जे गल्ल होए री थी तिसेरी वजह कने सारे मणू परमेश्वर री बड़ाई करेया करदे थिये।

प्रेरितां रे कम्म 4:21 ပူးပေါင်းရင်းမြစ်များ

मत्ती 15:31

जां मणूआं ने दिख्खेया कि जल्ले बोलदे हिन ते टुण्डे ठीक होई गे, लट्टे चलदे अते अन्ने दिखदे तां से हैरान होई गे अते से इस्राएल रे परमेश्वर री बड़ाई करणा लग्गे।

मत्ती 21:46

ते तिन्हा ने तिन्हेरे जो पकड़ना चाएया पर लोक्कां का डरी गे किजोकी से तिन्हेरे जो भविष्यद्वक्ता मनदे थिये।

मत्ती 26:5

पर से बोलदे थिये, पर्व रे बेल्ले नी कुथकी इय्यां ना हो की लोक्कां रे मन बिच बलवा मची जाए।

मत्ती 9:33

अते जां यीशु ने तिस मणू बिच का दुष्टात्मा जो कड्डी दित्ता, तां से जल्ला बोलणा लग्गी पेया, इस गल्ल पर मणू हैरान होई करी बोलणा लग्गे, इस्राएल बिच इदेया कदी भी नी दिख्खेया।

मत्ती 9:8

मणू ए दिख्खी करी डरी गे अते परमेश्वर री महिमा करणा लग्गे जिनिये मणू जो इदेयी ताकत दित्ती।

लूका 13:17

जां यीशु ने ए गल्लां बोल्ली, तां तिन्हेरे खिलाफ जिन्ने भी मणू थिये, तिन्हेरे मुँह बांद्द होई गे, ते बाकि सब-जह्णे तिन्हेरे इस महान कम्म का खुस होई गे।

लूका 20:19

तिस्सी बेल्ले शास्त्रि अते बड्डे पुरोत्त ने कोई तिगड़म लाई करी यीशु जो पकड़ी लैणा चाह्‍ंदे थिये किजोकी से समजी गेरे थिये, कि यीशु ने से उदारण तिन्हेरे ही खिलाफ बोल्लेया पर से मणूआं का डरदे थिये।

लूका 20:6

अते अगर असा ने बोल्लेया, कि मणूआं रे पास्से का थिया, तां इत्ते जितणे भी मणू हिन तिन्हा असा जो मारी छडणा, किजोकी इन्हा मणूआं री नजरा बिच यूहन्ना तां इक्क भविष्यद्वक्ता थिया

लूका 22:2

उत्ते बड्डे पुरोत्त अते शास्त्रि यीशु जो मारणे री ताक बिच थिये पर से मणूआं का डरदे थिये।

लूका 5:26

तां फिरी सब जणे हैरान होई गे ते परमेश्वर री बड़ाई करणा लगे अते बड़े वरी डरी गे अते बोलणा लगे, अज्ज असा ने इक्क अलग ही नजारा दिख्खेया

प्रेरितां रे कम्म 4:17

पर इधेरे तांइ कि ए गल्ल लोक्कां बिच होर जादा फैली ना जाए असी तिन्हेरे जो धमकादें कि से इस नां कने फिरी कुसकी कने गल्ल ना करण।

प्रेरितां रे कम्म 4:22

से मणू, जिस जो ठीक करणे रा चमत्कार कित्तेया गेया थिया से चाली साल का जादा उमर वाला आदमी थिया।

प्रेरितां रे कम्म 5:13

पर होर लोक्कां बिच का कुसकी जो ए हिम्मत नी हुदी थी कि तिन्हा प्रेरितां बिच जाई मिल्ले, तां भी मणू तिन्हेरी बड़ाई करदे थिये।

प्रेरितां रे कम्म 5:26

जां तिनिये सूणेया तां सरदार ने पैहरेदारां कने जाई करी, तिन्हेरे जो लेई आया, पर जोर-जबरदस्ती कने नी, किजोकी से लोक्कां का डरदे थिये कि असा पर बट्टे ना सुटण।

प्रेरितां रे कम्म 5:40

तां तिन्हा ने तिसेरी गल्ल मन्नी लित्ती ते प्रेरितां जो सद्दी करी कुटवाया, ते ए हुकम देई करी छड्डी दित्तेया कि यीशु रे नां कने फिरी कोई उपदेस मत करदे।