प्रेरितां रे कम्म 4:14 - चम्बयाली नौआ नियम

¹⁴ तिस मणू जो जे ठीक होया थिया, पतरस ते यूहन्ना कने खड़ित्ते रा दिख्खी करी से तिन्हेरे खिलाफ किच्‍छ भी नी बोल्ली सके।

प्रेरितां रे कम्म 4:14 ပူးပေါင်းရင်းမြစ်များ

प्रेरितां रे कम्म 19:36

किजोकी इन्हा गल्लां का कोई मुकरी नी सकदा इधेरे तांइ तुसा जो सान्त रैह्णा चाएदा ते बिना सोच्चे समजे किच्‍छ नी बोल्णा चाएदा

प्रेरितां रे कम्म 4:10

तां तुसा सारे इस्राएली लोक्कां ने जाणी लैणा कि जिस नासरत कस्बे रे मसीह यीशु जो, तुसा ने सुली पर चढ़ाया थिया, ते जिस जो परमेश्वर ने मरे रे लोक्कां बिच का जिन्दा कित्ता, तिन्हेरे जरिए ए मणू तुसा रे सामणे ठीक-ठाक खड़ित्ते रा है।

प्रेरितां रे कम्म 4:13

जां तिन्हा ने पतरस ते यूहन्ना री हिम्मत दिख्खी ते ए दिख्खेया कि ए अनपढ़ ते आम मणू हिन तां हैरान होए फिरी तिन्हेरे जो पछाणेया कि ए यीशु कने रे हिन।

प्रेरितां रे कम्म 4:15

पर इन्हा जो सभा का बाहर जाणे रा हुकम देई करी से अप्पु बिच गल्ल-बात करणा लगे।

प्रेरितां रे कम्म 4:16

असी इन्हा लोक्कां कने कै करण? किजोकी यरुशलेम सहर बिच रैह्णे वाले सारे लोक्कां जो पता है, कि इन्हेरे जरिए इक्क मसहूर चमत्कार दखाया गे रा है ते असी इसेरा इन्कार नी करी सकदे।

प्रेरितां रे कम्म 4:21

तां तिन्हा ने तिन्हेरे जो होर धमकाइ करी छड्डी दित्ता, किजोकी लोक्कां री वजह कने तिन्हेरे जो सजा दैणे रा कोई मोक्कां नी मिल्लेया, इधेरे तांइ जे गल्ल होए री थी तिसेरी वजह कने सारे मणू परमेश्वर री बड़ाई करेया करदे थिये।