प्रेरितां रे कम्म 4:1 - चम्बयाली नौआ नियम

¹ “जां से मणू ए बोल्लेया करदे थिये, तां पुरोत्त ते मन्दिर रे सरदार ते सदूकी मणू तिन्हेरे पीच्छे पेई गे।”

प्रेरितां रे कम्म 4:1 ပူးပေါင်းရင်းမြစ်များ

मत्ती 16:12

तां तिन्हेरी समझ बिच आया कि तिन्हा रोट्टी री तराक्क का नी, पर फरीसियां अते सदूकियां रे उपदेस का सावधान रैह्णे तांइ बोल्लेया थिया।

मत्ती 22:16

अते तिन्हा ने अपणे चेल्‍लेयां जो हेरोदेस रे झुण्ड रे लोक्कां कने तिन्हेरे का ए बोलणे जो भेज्जेया, ओ गुरु, असी जाणदे की तुसा सच्चे हिन, ते परमेश्वर रा रस्ता सच्चाई कने दसदे, ते कुसकी री परवाह नी करदे, किजोकी तुसा मणूआं रा मुँह दिख्खी करी गल्लां नी करदे।

मत्ती 27:20

बड्डे पुरोत्त ते बुजुर्ग मणू ने लोक्कां जो उकसाया कि से बरअब्बा जो मगीं लैण ते यीशु रा खातमा करवाण।

मत्ती 27:41

इसी तरिक्के कने बड्डे पुरोत्त भी शास्त्रियां ते बुजुर्ग मणू समेत मजाक उड़ाई-उड़ाई करी बोलदे थिये,

मत्ती 3:7

जां यूहन्ना बपतिस्मा दैणे वाले ने मते सारे फरीसी ते सदूकी लोक्कां जो बपतिस्मा लैणे तांइ अप्पु का आंदे दिख्खेया, तां तिन्हा जो बोल्लेया, “ओ जहरिल्ले कीड़ेयां रे बच्चेयों, तुसा जो कुसने परमेश्वर री सजा का बचणे तांइ खबरदार कित्तेया?”

लूका 20:1

इक्क रोज इय्यां होया कि जा यीशु मणूआं जो मन्दिर बिच वचना का सिखाया करदे थिये अते परमेश्वर रे सुब बसेख रे बारे दस्सेया करदे थिये तां किच्‍छ बुजुर्ग मणू शास्त्रि ते बड्डे पुरोत्त तिन्हा का आई रे।

लूका 22:4

तिन्ने जाई करी बड्डे पुरोत्त अते सभास्थल रा पैह्रा दैणे वालेयां रे प्रधाना कने मिली करी सलाह कित्ती कि से यीशु जो तिन्हा का किय्यां पकडवाई सकदा

यूहन्ना 15:20

मैं जे गल्लां तुसा जो बोल्ली, तिन्हा जो याद रख्खो, इक्क नौक्कर अपणे मालक का बड्डा नी हुंदा, इधेरे तांइ जे तिन्हा मेरे पर जुल्म कित्तेया तां तुसा पर भी जुल्म करणा, अते जे अगर तिन्हा मेरी शिक्षा जो मन्नेयां, तां तुसा री भी मनणी।

यूहन्ना 18:3

इधेरे तांइ यहूदा रोमी सपाईयां रा इक्क झुन्ड़ अते बड्डे पुरोत्तां ते फरीसियां रे भेज्जे रे मणू, अते मन्दिर रे पैहरेदारां कने मशाल, दीये, अते हथियार लेई करी तित्ते आई गेया।

प्रेरितां रे कम्म 4:6

ते प्रधान पुरोत्त हन्ना ते कैफा ते यूहन्ना ते सिकदंर ते बाकि जिन्ने भी बड्डे पुरोत्त रे ‍खानदान रे थिये, सारे यरुशलेम सहर बिच कठ्ठी गे

प्रेरितां रे कम्म 5:17

तां प्रधान पुरोत्त ते तिसेरे सारे साथी जे सदूकियां रे पथं का थिये, हिर्स कने भरी गे।

प्रेरितां रे कम्म 5:24

जां मन्दिर रे पैहरेदारां रे सरदार ते बड्डे पुरोत्तां ने ए खबर सूणी, तां तिन्हेरे बारे बिच बड़ी चितां बिच पेई गे कि तिन्हेरा कै होया!

प्रेरितां रे कम्म 5:26

जां तिनिये सूणेया तां सरदार ने पैहरेदारां कने जाई करी, तिन्हेरे जो लेई आया, पर जोर-जबरदस्ती कने नी, किजोकी से लोक्कां का डरदे थिये कि असा पर बट्टे ना सुटण।

प्रेरितां रे कम्म 6:12

ते “दास्तव मुक्त” समुह रे लोक्कां ने दूए लोक्कां जो ते बुजुर्ग लोक्कां ते शास्त्रियां जो भड़काया ते तिन्हा ने स्तिफनुस जो पकड़ेया ते सभास्थल बिच लेई आए।

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।