प्रेरितां रे कम्म 3:4 - चम्बयाली नौआ नियम

⁴ पतरस ते यूहन्ना कने तिसेरे पास्से ध्यान कने दिख्खी करी बोल्लेया, हमारे पास्से दिख्ख।

प्रेरितां रे कम्म 3:4 ပူးပေါင်းရင်းမြစ်များ

लूका 4:20

फिरी तिन्हा ने से कताब बन्द कित्ती ते तित्ते कम्म करणे वाले सेवक रे हत्थां देई करी थल्ले बेई गे, ते सभास्थल बिच सबणी मणूआं री हाख्खियां यीशु पर टिकी रेई।

यूहन्ना 11:40

यीशु ने तिसजो बोल्लेया, कै मैं तेरे जो नी बोल्लेया थिया कि जे तू विश्वास करगी, तां परमेश्वर री महिमा जो दिखगी?

यूहन्ना 5:6

यीशु ने तिसजो पे रा दिख्खी करी ए समजी गे कि से बड़े दिना रा इस्सी हालत बिच पेरा है तिसने पुछया, “क्‍या तू ठीक होणा चाह्‍ंदा?”

प्रेरितां रे कम्म 10:4

कुरनेलियुस ने ध्यान कने तिस स्वर्गदूत जो दिख्खेया, ते डरी करी बोल्लेया, ओ प्रभु जी ए कै है? स्वर्गदूत ने तिसजो बोल्लेया, तेरी प्रार्थना ते तेरे दान जो परमेश्वर ने ग्रहण कित्ते रा है।

प्रेरितां रे कम्म 11:6

जां मैं तिस पर ध्यान दित्तेया, तां दुनिया रे सारे चार पैरा अते जंगली जानवर ते रेंगणे वाले जीव-जन्तु ते आसमान बिच उड़ने वाले पखेरु दिख्खे

प्रेरितां रे कम्म 3:1

पतरस ते यूहन्ना त्रै बजे री प्रार्थना रे बेल्ले मन्दिर जो जाया करदे थिये।

प्रेरितां रे कम्म 3:11

जां तिन्निए पतरस ते यूहन्ना जो पकड़े रा थिया, तां सारे मणू बड़े हैरान हुदें होए तिस बरांडे बिच जे सुलैमान रा केहलादां, तिन्हेरे का दौड़ी करी आए।

प्रेरितां रे कम्म 3:12

ए दिख्खी करी पतरस ने लोक्कां जो बोल्लेया, ओ इस्राएलियों, तुसा इस मणू पर हैरान किजो होया करदे हिन, ते असा पास्से इय्यां किजो दिख्खेया करदे हिन कि मन्नों असा ही ने अपणी ताकत या भक्ति कने इसजो चलणे-फिरणे जोग्गा बणाई दित्ता।

प्रेरितां रे कम्म 3:3

जां तिन्निए पतरस ते यूहन्ना जो मन्दिर बिच जादें दिख्खेया, तां तिन्हेरे का भीख मगीं।

प्रेरितां रे कम्म 3:5

अते से तिन्हेरे का किच्‍छ पाणे री उम्मीद रख्खी करी तिन्हेरे पास्से दिखणा लग्गेया,