प्रेरितां रे कम्म 3:21 - चम्बयाली नौआ नियम

²¹ जरुरी है कि से स्वर्ग बिच तिस बेल्ले रैह्ण जां तिकर की से सारी चीजां जो दुबारा नौआ ना बणाई लये, जिस गल्ल रा वादा परमेश्वर ने अपणे पवित्र भविष्यद्वक्ताओं कने बड़े पैल्ले कित्ता थिया।

प्रेरितां रे कम्म 3:21 ပူးပေါင်းရင်းမြစ်များ

लूका 1:70

जिय्यां कि परमेश्वर ने बड़े पैल्ले ही अपणे पवित्र भविष्यद्वक्ता रे जरिए बोल्लेया थिया,

प्रेरितां रे कम्म 1:11

ते तिन्हेरे जो बोल्लेया, ओ गलीली मणूओं, तुसा किजो खड़ी करी आसमान पास्से दिख्खेया करदे हिन? ए ही यीशु, जे तुसा रे का स्वर्ग पर चुक्की लित्ते गेरे हिन, जिस तरिक्के कने तुसा उन्हा जो स्वर्ग पर जादें दिख्खेया तिसी तरिक्के कने उन्हा ने फिरी हटणा।

प्रेरितां रे कम्म 10:43

सब भविष्यद्वक्ता तिन्हेरी गवाई दिंदे, कि जे कोई तिन्हा पर विश्वास करगा, तिसजो मसीह यीशु रे जरिए पाप्पां री माफी मिलण।

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

प्रेरितां रे कम्म 3:20

ते से यीशु जो भेज्जे जे तुसा वास्ते पैह्ल्ले ही का मसीह ठहराए गेरे हिन।

रोमियों 8:21

परमेश्वर री बणाए री हर इक्क रचना बड़ी उम्मीद कने तिस दिन जो भालेया करदी है, जां तिसने मौत ते बर्बादी का छुटकारा पाई करी परमेश्वर री औलाद्दां कने महिमामय अजादी बिच शामिल होई जाणा।

इब्रानियों 1:1

पैल्ले जमाने का ही परमेश्वर ने भविष्यद्वक्ता रे जरिए असा रे पूरखां कने मती वरी, अलग-अलग तरिक्के कने गल्लां कित्ती।

2 पतरस 1:21

किजोकी कदी भी कोई भविष्यवाणी अप्पु कुसकी मणू रे पास्से का नी हुंदी। पर पवित्रात्मा लोक्कां रे मन जो उकसाई दिंदा जिस बेल्ले से परमेश्वर रे बसेख जो सुणाया करदे हुंदे।

2 पतरस 3:2

मैं ए इधेरे तांइ करेया करदा है किजोकी मैं चाह्‍ंदा कि तुसा से गल्लां याद करो जे परमेश्वर रे भविष्यद्वक्ता ते असा जो छुटकारा दैणे वाले असा रे प्रभु मसीह यीशु ने लम्बे समय पैल्ले बोल्ली थी, जे तुसा जो प्रेरितां ने भी सिखाई थी जे तुसा का आए थिये।

प्रकाशित वाक्य 18:20

ओ स्वर्ग ते ओ परमेश्वर रे लोक्कों ते प्रेरितो ते भविष्यद्वक्ता जे तिस कने होआ, तिस पर खुस हो, किजोकी परमेश्वर ने तिसका जे किच्‍छ भी तिसने तुसा कने कित्तेया थिया, तिसेरा सही हिसाब करी के तुसा रा बदला चुकाए रा है।”

प्रकाशित वाक्य 22:6

तिसका बाद, इक्क स्वर्गदूत ने मेरे जो बोल्लेया, “से सारी गल्लां सच हिन ते बड़े झट होणे वाली हिन। प्रभु परमेश्वर जे अपणी आत्‍मा सारे भविष्यद्वक्ता जो दिंदे, तिन्हा ने अपणे स्वर्गदूत जो इत्ते आई करी अपणे सेवादार जो ए दसणे रा हुकम दित्तेया कि जल्द ही कै होणे वाला है।”