प्रेरितां रे कम्म 3:2 - चम्बयाली नौआ नियम

² ते मणू इक्क पैदाइसी लट्टे मणू जो यरुशलेम मन्दिर रे “सुन्दर” कहलाए जाणे वाले दुआर पर भीख मंगणे तांइ लेई आंदे थिये ताकि से मन्दिर बिच आणे वाले लोक्कां का भीख मंगी सके।

प्रेरितां रे कम्म 3:2 ပူးပေါင်းရင်းမြစ်များ

लूका 16:20

ते लाज़र नां रा इक्क दुखी ते गरीब भिखारी जो तिस अमीर मणू रे घर रे दुआर का बिहाली दित्ता जांदा थिया ते तिसेरा सारा जिस्म जख्मां कने भरित्ते रा हुन्दा थिया।

लूका 18:35

जां से यरीहो रे नेड़े जाई पूज्जे तां इक्क अह्न्ना भिखारी सड़क रे कनारे बैठ्ठे दा थिया

यूहन्ना 9:8

तां तिस आदमी रे पड़ोसी ते जिन्हा ने पैल्ले तिसजो भीख मगंदे दिख्खेया थिया, बोलणा लग्गे, कै ए से ही नी, जे बेई करी भीख मगेंया करदा थिया?

प्रेरितां रे कम्म 10:31

ते बोलणे लग्गेया, ओ कुरनेलियुस, तेरी प्रार्थना ते तेरे दान जो परमेश्वर ने ग्रहण कित्ते रा है,

प्रेरितां रे कम्म 10:4

कुरनेलियुस ने ध्यान कने तिस स्वर्गदूत जो दिख्खेया, ते डरी करी बोल्लेया, ओ प्रभु जी ए कै है? स्वर्गदूत ने तिसजो बोल्लेया, तेरी प्रार्थना ते तेरे दान जो परमेश्वर ने ग्रहण कित्ते रा है।

प्रेरितां रे कम्म 14:8

लुस्त्रा बिच इक्क मणू थिया, जे पैरां का कमजोर थिया, से जन्म का ही लंगड़ा थिया, ते कदी भी नी चले रा नी थिया

प्रेरितां रे कम्म 3:10

तिसजो पछाणी लित्तेया कि ए तां से ही लट्टा भिखारी है जे मन्दिर रे सुन्दर दुआर का बेई करी भीख मंगदा थिया। ते तिस गल्ल कने जे तिस कने होई थी से बड़े हैरान होए।

प्रेरितां रे कम्म 4:22

से मणू, जिस जो ठीक करणे रा चमत्कार कित्तेया गेया थिया से चाली साल का जादा उमर वाला आदमी थिया।