प्रेरितां रे कम्म 3:19 - चम्बयाली नौआ नियम

¹⁹ इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

प्रेरितां रे कम्म 3:19 ပူးပေါင်းရင်းမြစ်များ

मत्ती 13:15

किजोकी इन्हेरे मन मोट्टे होई गेरे हिन, अते ए कन्ना का उच्चा सूणदे हिन, ते इन्हा ने अपणी आख्खियां बांद्द करी रख्खे री हिन ताकि से दिख्खी ना पांन, ते कन्ना का किच्‍छ भी सुणी ना पांन, ते दिल्ल का समजन, अते मेरे पास्से आई जांन, ते मैं तिन्हा जो खरा करां।

मत्ती 18:3

ते बोल्लेया, मैं तुसा कने सच बोल्दा, जां तांइ तुसा अपणे पाप्पां का तौबा करी के बच्चेयां सांई नी बणी जान्दे, स्वर्ग रे राज बिच जाई नी सकणा।

लूका 1:16

तिन्ने इस्राएल रे मते मणूआं का तिन्हेरे पाप्पां का तौबा कराणी अते तिन्हा जो प्रभु-परमेश्वर रे पास्से हटाई लाणा।

लूका 22:57

पर, पतरस ने तिस जनानी जो बोल्लेया कि मैं तां तिसजो जाणदा भी नी कि से कुण है

प्रेरितां रे कम्म 1:6

अते तिन्हा ने कठ्ठे होई करी तिन्हा का पूच्छेया, ओ प्रभु, कै तुसा अब्बे ही इस्राएल जो रोमी साम्राज्य री गुलामी का अजाद करी के इस्राएली राज जो फिरी स्थापित करी दैणा?

प्रेरितां रे कम्म 11:18

ए सुणी करी, यहूदी विश्वासी चुप रे, ते परमेश्वर री बड़ाई करी के बोलणा लगे, तां परमेश्वर ने गैर यहूदियां जो भी हमेसा री जिन्दगी बिच तांइ अपणे पाप्पां का तौबा करणे ते मसीह यीशु पर विश्वास करणे रा मौक्का दित्ता।

प्रेरितां रे कम्म 11:21

ते प्रभु री ताकत तिन्हा पर थिया, ते मते सारे गैर यहूदी मणू प्रभु यीशु पर विश्वास करणा लग्गी पये।

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 17:26

तिन्हा ने इक्क ही मणू का सारे मणूआं री सबणी जातियां, सारी दुनिया पर रैह्णे वालेयां तांइ बणाए री है, ते तिन्हा ने ही मणूआं रा वक्त पक्का करी दित्तेया है ते तिस जगाह् री, जित्ते से रैहन्दे, तिसेरी सीमाये बन्नी दित्ती।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 28:27

किजोकी इन्हा मणूआं रा मन मोटा अते इन्हेरे कान्न भारे होई गेरे हिन, ते इन्हा ने अपणी हाख्खियां बन्द कित्ते री हिन, इय्यां ना हो कि से कदी हाख्खियां कने दिखण ते कन्नां कने सूणन ते मनां कने समजन अते बदली जाण, ते मैं तिन्हा जो खरा करां

प्रेरितां रे कम्म 3:20

ते से यीशु जो भेज्जे जे तुसा वास्ते पैह्ल्ले ही का मसीह ठहराए गेरे हिन।

प्रेरितां रे कम्म 3:21

जरुरी है कि से स्वर्ग बिच तिस बेल्ले रैह्ण जां तिकर की से सारी चीजां जो दुबारा नौआ ना बणाई लये, जिस गल्ल रा वादा परमेश्वर ने अपणे पवित्र भविष्यद्वक्ताओं कने बड़े पैल्ले कित्ता थिया।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

2 थिस्सलुनीकियों 1:10

ए सारी चीजां तिस बेल्ले होणी जां मसीह यीशु ने तिन्हा लोक्कां का महिमा ते आदरमान पाणे तांइ हटी आणा जे तिन्हा बिच विश्वास करदे ते जे तिन्हेरे अपणे मणू हिन। तुसा भी तिन्हा लोक्कां बिच होणा किजोकी तुसा तिस बसेख पर विश्वास कित्तेया जे असा ने तुसा जो दस्सेया थिया।

2 थिस्सलुनीकियों 1:7

किजोकी तुसा दुख-मुसीबतां सहन करेया करदे हिन इधेरे तांइ परमेश्वर ने तुसा ते असा जो अराम दैणा। ए सब किच्‍छ तां होणा जां मसीह यीशु ने अपणे ताकतवर स्वर्गदूतां कने धधकदी आग्ग सांई स्वर्ग का वापिस हटणा।

2 तीमुथियुस 2:25

ते तिसजो तिन्हा लोक्कां जो बड़ी नरमदिली कने समझाणा चाएदा जे तिसेरे खिलाफ हिन, मुमकिन है कि परमेश्वर तिन्हा जो अपणा मन बदलणे बिच मदद करे ताकि से मणू भी मसीह री सच्चाई जो जाणे।

इब्रानियों 4:1

परमेश्वर ने असा जो तिस अराम री जगाह् पर लेई जाणे रा वादा कित्ते रा है, इधेरे तांइ असा जो सावधान रैह्णा चाएदा, इय्यां ना हो कि तुसा बिच का कुसकी जो भी तिस जगाह् बिच जाणे रा मोक्कां नी गुआणा चाएदा।

1 पतरस 2:25

तुसा पैल्ले भटकी री भेड़ां सांई थिये, पर अवे तुसा मसीह का हटी आए रे हिन, जे तुसा री आत्‍मा रे पुहाल ते मुखिया हिन।

2 पतरस 3:8

पर प्यारे दोस्तों, जे गल्ल मैं अवे तुसा जो दसणे वाला ओ तिसजो नजरंदाज मत करदे, परमेश्वर इक्क दिन थोड़े समय रे तौर पर ते हजार साल्लां जो लम्बे समय रे तौर नी दिखदे। से दोन्नां जो इक्क ही रुप बिच दिखदे।

प्रकाशित वाक्य 21:4

परमेश्वर ने तिन्हेरी हाख्खियां का सारे आँसु पूंजी दैणे। तिसका बाद कुसकी ने कदी भी कोई दुख महसूस नी करणा, ना कुसकी ने मरणा, किजोकी अवे पुराणी दुनिया नी रैह्णी।