प्रेरितां रे कम्म 3:17 - चम्बयाली नौआ नियम

¹⁷ अवे ओ भाईयों, मैं जाणदा कि ए कम्म तुसा नासमझी बिच कित्ता, ते तिय्यां ही तुसा रे सरदारां ने भी कित्तेया,

प्रेरितां रे कम्म 3:17 ပူးပေါင်းရင်းမြစ်များ

लूका 23:13

फिरी पिलातुस ने बड्डे पुरोत्त अते यहूदी मणूआं जो ते सरदारा जो, सद्देया, ते तिन्हा जो बोल्लेया।

लूका 23:34

तां यीशु ने बोल्लेया, ओ परम पिता, इन्हा जो माफ करेयां किजोकी ए नी जाणदे कि ए कै करेया करदे हिन फिरी सपाईयां ने यीशु रे कपड़े तांइ परचियाँ पाईयाँ अते यीशु रे कपड़े आपस बिच बन्डी लै।

यूहन्ना 15:21

पर तिन्हा लोक्कां ने तुसा पर भी जुल्म करणा किजोकी तुसा मेरे चेल्‍ले हिन, किजोकी से परमेश्वर जो नी जाणदे जिस ने मेरे जो भेज्जे रा है।

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 7:52

नीकुदेमुस ने यीशु जो जवाब दित्ता, “क्‍या तुसा भी गलील प्रदेश रे हिन? अप्पु ही पवित्रशास्त्र बिच तोप्पि करी समजी जाओ कि गलील प्रदेश का कोई भविष्यद्वक्ता नी बणी सकदा।”

प्रेरितां रे कम्म 13:27

यरुशलेम रे रैह्णे वाले लोक्कां ने ते तिन्हेरे अधिकारियां ने नी समजेया यीशु से ही हिन जिन्हेरे बारे बिच भविष्यद्वक्तां ने बोल्लेया थिया। पर तिन्हा जो पछानणे रे बजाए तिन्हा लोक्कां ने यीशु पर इल्जाम लाए ते इस तरिक्के कने भविष्यद्वक्तां री बोल्ली री तिन्हा गल्लां जो पूरा कित्ता जे असी हर विश्राम दिन पर पढ़दे।

प्रेरितां रे कम्म 22:5

इधेरे तांइ प्रधान पुरोत्त ते मन्दिर रे बुजुर्गां री पूरी महासभा इस गल्ल री गवाह है, कि तिन्हा का मैं यहूदी विश्वासियां रे नां री चीठ्ठियां लेई करी दमिश्क कस्बे जो जाया करदा थिया ताकि जे अगर तित्ते कोई मसीह बिच विश्वास करणे मणू होण, तां तिन्हा जो भी सजा दुआणे तांइ बन्नी करी यरुशलेम अन्दर लेई आं।

प्रेरितां रे कम्म 26:9

मैं भी समजेया थिया कि नासरत कस्बे रे यीशु पर विश्वास करणे वालेयां रे खिलाफ मेरे जो मता किच्‍छ करणा चाएदा,

प्रेरितां रे कम्म 28:21

तिन्हा ने पौलुस जो बोल्लेया, असा ना तां असा जो तेरे बारे अन्दर यहूदियां प्रदेश रे लोक्कां रे पास्से का कोई चीठ्ठियां मिल्ली, ते ना तां विश्वासियां बिच का कुसकी ने आई करी तेरे बारे अन्दर किच्‍छ दस्सेया अते ना बुरा बोल्लेया।

प्रेरितां रे कम्म 7:40

ते मूसा रे भाई हारून जो बोल्लेया, असा तांइ इक्क इदेइ बछड़े री मूर्ति बणा जे असा रे अग्गे-अग्गे चले किजोकी ए मूसा जे असा जो मिस्र देस का कड्डी लेई आए रा है, असी नी जाणदे कि तिसजो कै होया?

रोमियों 11:2

परमेश्वर ने अपणे तिन्हा लोक्कां जो नी छड्डेया, जिस जो तिन्हा ने पैल्ले का ही चुणी लित्ते रा है। कै तुसा जो पता नी है, कि पवित्रशास्त्र एलिय्याह भविष्यद्वक्ता रे बारे बिच कै दसदा? से परमेश्वर कने इस्राएल रे लोक्कां री शिकायत करी के ए बोलदा,

1 कुरुन्थियों 2:8

परमेश्वर री योजना रे तिस ज्ञान जो इस जुग रे प्रधान लोक्कां बिच का कुसकी ने भी नी समजेया थिया। जे अगर से समजी गेरे हुंदे तां महिमा रे प्रभु मसीह यीशु जो सुली पर नी चढ़ांदे।

2 कुरुन्थियों 3:14

तिन्हेरी समझ मंद होई गे री है, किजोकी अज्ज तांइ जां से तिस मूसा रे कानून जो पढ़दे, तां से ही परदा तिन्हेरी समझ पर पेई रैहन्दा, पर से परदा वस मसीह यीशु पर विश्वास करणे रे जरिए ही हटदा।

इफिसियों 4:18

किजोकी तिन्हेरी समझ पर न्याहरा छाई गे रा है, ते से मणू अपणी अज्ञानता ते ढिटपणे री वजह कने तिस जिन्दगी का दुर हिन जे परमेश्वर दिंदे।

फिलिप्पियों 1:22

पर जे अगर मैं जिन्दा रेयां तां मैं मसीह यीशु तांइ होर भी कम्म करी सकदा, इधेरे तांइ नी जाणदा जीणा खरा है या मरणा?

1 तीमुथियुस 1:13

मसीह बिच विश्वास करणे पैल्ले तां मैं तिन्हेरी बुराई करदा थिया, विश्वासी लोक्कां पर जुल्म करी के बड़ी बेरहमी कने तिन्हेरा नुक्सान करदा थिया पर फिरी भी परमेश्वर ने मेरे पर दया कित्ती किजोकी मेरे जो नी पता थिया कि मैं जे करेया करदा है से गलत है किजोकी तिस बेल्ले तक मैं मसीह यीशु बिच विश्वास नी कित्तेया थिया।