प्रेरितां रे कम्म 3:14 - चम्बयाली नौआ नियम

¹⁴ तुसा यीशु जो जे पवित्र ते धार्मिक मणू थिये नक्कारी दित्ता, ते बिनती कित्ती कि इक्क हथयारे जो तुसा वास्ते छड्डी दित्ता जाए।

प्रेरितां रे कम्म 3:14 ပူးပေါင်းရင်းမြစ်များ

मत्ती 27:20

बड्डे पुरोत्त ते बुजुर्ग मणू ने लोक्कां जो उकसाया कि से बरअब्बा जो मगीं लैण ते यीशु रा खातमा करवाण।

मरकुस 1:24

तिनिये चिडं मारी करी बोल्लेया, “ओ नासरत कस्बे रे रैह्णे वाले यीशु, असा जो तुसा रे कने कै काम्म? कै तुसा असा जो खत्म करणे तांइ आए रे हिन? मैं तुसा जो जाणदी कि तुसा कुण हिन? परमेश्वर रे भेज्जे रे पवित्र मसीह!”

मरकुस 15:11

पर बड्डे पुरोत्तां ने भीड़ रे लोक्कां जो उकसाया कि से पिलातुस पर बरअब्बा जो ही छडणे तांइ दवाब पाई दैण।

मरकुस 15:7

तां बरअब्बा नां रा इक्क कैदी, जिनिये इक्क दंगे बिच कुसकी रा खून करी दित्ते रा थिया।

लूका 1:35

तां जिब्राईल स्वर्गदूत ने मरियम जो बोल्लेया, पवित्रात्मा ने तेरे पर उतरणा अते परमप्रधान परमेश्वर री ताकत ने तेरे पर छां करणी, अते से बच्चा जे तेरे का पैदा होणा, से पवित्र होणा, तिसजो परमेश्वर रा पुत्तर बोल्लेया जाणा,

लूका 23:25

पिलातुस ने तिस मणू जो छडी दित्ता जे लड़ाई झगड़े अते जान लैणे रे इल्जाम अन्दर जेला बिच पाए दा थिया, अते यीशु जो तिन्हेरी मरजी रे मुताबिक तिन्हा का देई दित्ता।

यूहन्ना 16:10

अते धार्मिकता रे बारे बिच इधेरे तांइ किजोकी मैं पिता का चलेया, अते तुसा मेरे जो फिरी नी दिख्खी सकणा।

यूहन्ना 18:40

पर से चिन्डा मारी करी बोल्णा लगे, इसजो नी, बल्कि असा तांइ बरअब्बा जो छड्डी देयो (बरअब्बा इक्क डाक्कू थिया।)

प्रेरितां रे कम्म 13:28

हाकिम पिलातुस ने जां तिन्हा जो मारी दैणे लायक कोई कसुर नी पाया, तां भी पिलातुस रे छंदे कित्ते की, कि तिन्हा जो मारी दित्तेया जाये।

प्रेरितां रे कम्म 2:27

किजोकी तुसा मेरे जान जो पताल बिच नी छडणा ते ना अपणे पवित्र मणू जो सड़णा ही दिंगा।

प्रेरितां रे कम्म 22:14

फिरी तिसने बोल्लेया, असा रे पूरखां रे परमेश्वर ने तिज्जो इस तांइ चुणे रा है ताकि तू तिन्हेरी मरजी जो जाणे, ते तिस धार्मिक मसीह जो दिख्खे ते तिन्हेरे गल्लां सुणे।

प्रेरितां रे कम्म 4:27

किजोकी तुसा रे सेवक यीशु रे खलाफ, जिन्हेरा तुसा ने अभिषेक कित्तेया, हेरोदेस ते पुन्तियुस पिलातुस भी गैर यहूदियां ते इस्राएली लोक्कां कने इस सहर बिच कठ्ठे होए

प्रेरितां रे कम्म 5:28

तां बड्डे पुरोत्त ने तिन्हेरे जो पूच्छेया, कै असा ने तुसा जो चितौणी देई करी हुकम नी दित्तेया थिया कि तुसा इस नां कने उपदेस मत करदे? तां भी तुसा ने सारे यरुशलेम सहर जो अपणे उपदेस कने भरी रख्खे रा है ते तिस मणू रा खून रा इल्जाम असा री सिर पर लाणा चाहंदे।

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

याकूब 5:6

जे धार्मिक मणू तुसा रा सामणा नी करी सकदे थिये तुसा तिन्हा जो दोषी साबित करी के मारी रख्खेया।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

प्रकाशित वाक्य 3:7

तिनिये मेरे जो बोल्लेया, “फिलदिलफिया सहर रे कलीसिया रे स्वर्गदूत जो ए चीठ्ठी लिख्ख, मैं ही से पवित्र ते सच्चाई है, जिस का से चाब्बी है जे दाऊद राज्जे का थी। जां मैं चाब्बी लेई करी दुआर खोलदा, तां तिसजो कोई भी बांद्द नी करी सकदा, ते जां मैं चाब्बी लेई करी कोई दुआर बांद्द करदा, तां कोई तिसजो खोल्ली नी सकदा। मैं तेरे जो ए बोलदा,