प्रेरितां रे कम्म 3:12 - चम्बयाली नौआ नियम

¹² ए दिख्खी करी पतरस ने लोक्कां जो बोल्लेया, ओ इस्राएलियों, तुसा इस मणू पर हैरान किजो होया करदे हिन, ते असा पास्से इय्यां किजो दिख्खेया करदे हिन कि मन्नों असा ही ने अपणी ताकत या भक्ति कने इसजो चलणे-फिरणे जोग्गा बणाई दित्ता।

प्रेरितां रे कम्म 3:12 ပူးပေါင်းရင်းမြစ်များ

यूहन्ना 7:18

जे कोई अपणे पासे का बोलदा से अपणी अप्पु ही बड़ाई करदा, पर जे अपणे भेजणे वाले री बड़ाई चाहन्दा, से ही सच्चा है, कने तिस बिच कोई ढोंग नी है।

प्रेरितां रे कम्म 13:26

ओ भाईयों, तुसा जे अब्राहम री औलाद हिन, ते जे तुसा परमेश्वर रा डर मनणे वाले हिन, परमेश्वर ने तुसा तांइ मसीह यीशु रे बारे बिच ए बसेख भेज्जे रा है जे लोक्कां जो बचांदे।

प्रेरितां रे कम्म 2:22

ओ इस्राएलियों, ए गल्लां सुणो: नासरत कस्बे रे यीशु, इक्क मणू थिये जिन्हेरा परमेश्वर रे पास्से का होणे रा सबूत तिन्हा चिन्ह-चमत्कारां, अनौखे कम्मां ते चमत्कारी चिन्ह कने अप्पु जो साबित कित्ता, जे परमेश्वर ने तुसा मझाटे तिन्हेरे का करी दिखाए, जिन्हेरे जो तुसा अप्पु ही जाणदे।

प्रेरितां रे कम्म 3:11

जां तिन्निए पतरस ते यूहन्ना जो पकड़े रा थिया, तां सारे मणू बड़े हैरान हुदें होए तिस बरांडे बिच जे सुलैमान रा केहलादां, तिन्हेरे का दौड़ी करी आए।

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

रोमियों 11:1

इधेरे तांइ मैं पूच्छदा, कै परमेश्वर ने अपणी प्रजा जो छड्डी दित्तेया? बिल्कुल भी नी! मैं भी तां इस्राएली मणू है, ते अब्राहम रे ‍खानदान ते बिन्यामीन रे गोत्तर बिच का है।

रोमियों 9:4

से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।

2 कुरुन्थियों 3:5

असी नी बोलदे कि असा बिच अप्पु किच्‍छ करणे री काबलियत है, पर परमेश्वर असा जो ए सब करणे री काबलियत दिंदे।

प्रकाशित वाक्य 7:13

इसेरे बाद बुजुर्ग मणू बिच का इक्क ने मेरे जो पूच्छेया, तू इन्हा लोक्कां जो जाणदा जिन्हा ने चिट्टे चोग्गे पाए रे हिन? तू जाणदा कि ए मणू कुते का आए रे हिन?