प्रेरितां रे कम्म 3:10 - चम्बयाली नौआ नियम

¹⁰ तिसजो पछाणी लित्तेया कि ए तां से ही लट्टा भिखारी है जे मन्दिर रे सुन्दर दुआर का बेई करी भीख मंगदा थिया। ते तिस गल्ल कने जे तिस कने होई थी से बड़े हैरान होए।

प्रेरितां रे कम्म 3:10 ပူးပေါင်းရင်းမြစ်များ

मत्ती 14:35

अते तित्ते रे मणूआं ने जां यीशु जो पछाणेया तां तिन्हा ने अख्खी-बख्खी री सब जगाह् पर तिन्हेरे आणे रा सुब बसेख भेजी दित्तेया, अते मणू बिमारां जो तिन्हेरे का लेई आये।

लूका 4:36

ए दिख्खी करी सब हैरान होई गे ते से अप्पु-मिते बोलणा लगे, ए कदेह्या वचन है? किजोकी ए हक अते ताकत कने दुष्टात्मा जो हुकम देया करदे हिन ते से इन्हेरे बोलणे पर निकली भी जान्दी हिन

लूका 9:43

तां सब मणू परमेश्वर रे चमत्कार जो दिख्खी करी हैरान होई गे यीशु रे चमत्कारी कम्मां जो दिख्खी करी सब मणू हैरान थिये। फिरी यीशु ने अपणे चेल्‍लेयां जो बोल्लेया,

यूहन्ना 5:20

किजोकी परमेश्वर पिता पुत्तर कने प्यार करदा कने जे-जे कम्म से करदा, से सारे तिसजो दिखांदा है कने से इसका का भी बड्डे-बड्डे कम्म तिसजो दिखांगा ताकि तुसा हैरान न हो।

यूहन्ना 9:3

यीशु ने जवाब दित्ता, ना इनिये ना इसेरे मां-प्यो ने पर ए इस तांइ अह्ना पैदा होया ताकि परमेश्वर रे चमत्कारी कम्म इसेरी वजह कने लोक्कां सामणे प्रकट होण।

यूहन्ना 9:8

तां तिस आदमी रे पड़ोसी ते जिन्हा ने पैल्ले तिसजो भीख मगंदे दिख्खेया थिया, बोलणा लग्गे, कै ए से ही नी, जे बेई करी भीख मगेंया करदा थिया?

प्रेरितां रे कम्म 2:12

ते से सारे हैरान होए ते डरी करी इक्क दूए जो बोलणा लग्गे, ए कै होया करदा है?

प्रेरितां रे कम्म 2:7

से सारे बड़े वरी हैरान होई करी बोलणा लग्गे, दिख्खो, ए जे बोल्लेया करदे हिन कै सारे गलीली प्रदेश रे रैह्णे वाले मणू नी हिन?

प्रेरितां रे कम्म 3:2

ते मणू इक्क पैदाइसी लट्टे मणू जो यरुशलेम मन्दिर रे “सुन्दर” कहलाए जाणे वाले दुआर पर भीख मंगणे तांइ लेई आंदे थिये ताकि से मन्दिर बिच आणे वाले लोक्कां का भीख मंगी सके।