प्रेरितां रे कम्म 3:1 - चम्बयाली नौआ नियम

¹ पतरस ते यूहन्ना त्रै बजे री प्रार्थना रे बेल्ले मन्दिर जो जाया करदे थिये।

प्रेरितां रे कम्म 3:1 ပူးပေါင်းရင်းမြစ်များ

मत्ती 17:1

यीशु छे रोजां बाद पतरस, याकूब, अते तिसेरे भ्याल यूहन्ना जो अपणे कने कल्ले बिच इक्क उँचे पहाड़ पर लेई गे।

मत्ती 26:37

से पतरस ते जब्दी रे दोई मुडेंया जो कन्ने लेई गे, ते उदास ते व्याकुल होणा लग्गे।

मत्ती 27:45

दोपहर का लेई करी त्रिये पहर तिकर तिस सारे देस बिच न्याहरा होई गेया।

लूका 1:10

जां धूप बालणे री वरी आई तां झुण्ड रे सारे मणू कठ्ठी करी बाहर मन्दिर रे अंगण बिच प्रार्थना करणा लगे।

लूका 18:10

इक्क वरी दो मणू मन्दिर बिच प्रार्थना करणे तांइ गे! इक्क फरीसी थिया, दुज्जा चुंगी लैणे वाला थिया!

लूका 22:8

यीशु ने पतरस अते यूहन्ना जो फसह री रोट्टी री तयारी करणे तांइ ए बोल्ली करी अग्गे भेज्जेयाअसां रे खाणे तांइ फसह री रोट्टी री तैयार करी करो

लूका 24:53

अते से लगातार मन्दिर बिच आई करी परमेश्वर री तारीफ करेय करदे थिये।

यूहन्ना 21:7

तां तिस चेल्‍ले ने जिस कने यीशु प्यार करदे थिये, पतरस जो बोल्लेया, ए तां प्रभु हिन! शमौन पतरस ने ए सुणी करी कि से प्रभु हिन, चोग्गा पाई लित्तेया (किजोकी से नंगा थिया) अते समुन्द्र अंदर कुदी पेया।

प्रेरितां रे कम्म 10:3

इक्क दिन, धियाड़ी रे त्रै बजे तिसने इक्क दर्शन दिख्खेया तिसने साफ-साफ दिख्खेया कि परमेश्वर रा इक्क स्वर्गदूत तिसका आया ते बोल्लेया, ओ कुरनेलियुस,

प्रेरितां रे कम्म 10:30

कुरनेलियुस ने बोल्लेया, कि इस बेल्ले पूरे चार रोज पैल्ले मैं अपणे घरे त्रै बजे प्रार्थना करेया करदा थिया, कि तिस बेल्ले, इक्क मणू चमकीले कपड़े पाई करी, मेरे मुहाग्गर आई खड़ा होया।

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 3:3

जां तिन्निए पतरस ते यूहन्ना जो मन्दिर बिच जादें दिख्खेया, तां तिन्हेरे का भीख मगीं।

प्रेरितां रे कम्म 3:4

पतरस ते यूहन्ना कने तिसेरे पास्से ध्यान कने दिख्खी करी बोल्लेया, हमारे पास्से दिख्ख।

प्रेरितां रे कम्म 4:13

जां तिन्हा ने पतरस ते यूहन्ना री हिम्मत दिख्खी ते ए दिख्खेया कि ए अनपढ़ ते आम मणू हिन तां हैरान होए फिरी तिन्हेरे जो पछाणेया कि ए यीशु कने रे हिन।

प्रेरितां रे कम्म 5:25

इन्ने बिच कुसकी ने आई करी तिन्हेरे जो दस्सेया, दिख्खो, जिन्हा जो तुसा जेलखाने बिच बांद्द करी के रख्खे रा थिया, से मणू मन्दिर बिच खड़ित्ते रे लोक्कां जो उपदेस देया करदे हिन

प्रेरितां रे कम्म 8:14

जां यरुशलेम बिच रैह्णे वाले प्रेरितां ने सूणेया कि सामरिया प्रदेश रे लोक्कां ने परमेश्वर रे वचन जो अपणाई लित्ते रा है, तां तिन्हा ने पतरस ते यूहन्ना जो तिन्हा का भेज्जेया।

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।