प्रेरितां रे कम्म 28:9 - चम्बयाली नौआ नियम

⁹ जां इय्यां होया तां, तिस टापू रे होर भी बिमार मणू पौलुस का आये ते ठीक कित्ते।

प्रेरितां रे कम्म 28:9 ပူးပေါင်းရင်းမြစ်များ

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

प्रेरितां रे कम्म 13:6

ते तिस सारे टापू बिच घूमदे-फिरदे, से पाफुस जाई पूज्जे तित्ते तिन्हा जो बारयीशु नां रा इक्क यहूदी जादू-टौणे करणे वाला झूठा भविष्यद्वक्ता इक्क मणू मिल्लेया।

प्रेरितां रे कम्म 28:10

तिन्हा ने असा री बड़ा आदर कित्ता, ते त्रै महिन्ने बाद जिस बेल्ले असी चलणा लगे तां जे किच्‍छ भी असा तांइ जरुरी थिया, जहाज पर रख्खी दित्तेया।

प्रेरितां रे कम्म 28:8

पुबलियुस रा प्यो बुखार अते आँव-लहू कने बिमार पे रा थिया इधेरे तांइ पौलुस ने तिसेरे कमरे अन्दर जाई करी प्रार्थना कित्ती ते तिस पर हत्थ रख्खी तिसजो खरा करी दित्तेया।

प्रेरितां रे कम्म 5:12

प्रेरितां रे जरिए बड़े चमत्कार ते अनौखे कम्म लोक्कां बिच दिखाए जादें थिये, ते से सारे विश्वासी मणू सुलैमान रे बरांड़े बिच कठिदें थिये।

प्रेरितां रे कम्म 5:15

प्रेरितां रे कम्म रा ए नत्तीजा रेया कि मणू बिमारां लोक्कां जो सड़कां पर अणी-अणी करी मज्जेयां ते झुल्लेयां पर लेटाई दिदें थिये ताकि जां पतरस आये तां तिसेरी परछाई ही तिन्हा बिच का कुसकी पर पेई जाए।