प्रेरितां रे कम्म 28:2 - चम्बयाली नौआ नियम

² तिस टापू पर रैह्णे वाले लोक्कां ने असा कने बड़ा प्यार कित्तेया किजोकी तित्ते बड़ी बरखा ते ठण्ड थी, इधेरे तांइ तिन्हा ने आग्ग बाली करी असा सबणी जणेया जो रुकाई लित्ता।

प्रेरितां रे कम्म 28:2 ပူးပေါင်းရင်းမြစ်များ

मत्ती 10:42

जे कोई मेरे इन्हा भोले-भाले चेल्‍लेयां जो इक्क गलास ठण्डा पाणी पीणे जो दे कि से मेरा चेल्ला है, तां मैं तुसा रे कने सच्ची बोलदा कि तिसजो इधेरा ईनाम मिलणा ही मिलणा।

यूहन्ना 18:18

किजोकी ठंड बड़ी थी नौक्कर अते मन्दिर रे पैहरेदार आग्ग बाली करी तित्ते खड़े आग्ग तप्पेया करदे थिये, पतरस भी तिन्हा कने खड़ा थिया अते आग्ग तप्पेया करदा थिया।

प्रेरितां रे कम्म 27:3

दूए रोज्जे असा सैदा कस्बे बिच पूजी करी तित्ते रुके, ते यूलियुस ने पौलुस पर रहम करी के तिसजो मित्रां का जाणा दित्तेया कि तिसेरी आदर-खातर होई सको।

प्रेरितां रे कम्म 28:3

जां पौलुस ने लकड़ियां रा ढ़ेर कठेरी करी आग्ग पराल्ले रख्खेया, तां इक्क कीड़े जो सेक लगणे री वजह कने से तिन्हा लकड़ियां बिच का निकली करी पौलुस रे हत्थां कने लिपटी गेया।

प्रेरितां रे कम्म 28:4

जिस बेल्ले तित्ते रे रैह्णे वाले लोक्कां ने तिसेरे हत्था कीड़ा लिपटित्तेरा दिख्खेया, तां से अप्पु-मिते बोलणा लगे, सच्ची ए मणू खून्नी है किजोकी अगर समुन्द्र का बची गेया, तां भी असा री न्याय री देवी ने इसजो जिन्दा नी रैह्णा दित्तेया।

रोमियों 1:14

किजोकी मैं मसीह रा सुब बसेख सुनाणे तांइ सभ्य लोक्कां रा ते असभ्य लोक्कां रा कर्जदार है, मैं पढे-लिख्खे लोक्कां रा ते अनपढ़ां रा भी कर्जदार है।

रोमियों 14:1

जे मणू विश्वास बिच कमजोर हिन, तिन्हा जो अपणी संगती अन्दर लेई लेयो, पर तिन्हेरी तुसा का अलग राय होणे तांइ तिन्हा री बहस मत करो।

रोमियों 14:3

मांस-मच्छी खाणे वाला मणू, साग-पात खाणे वाले मणू जो तुच्छ ना समजे, ते साग-पात खाणे वाला मणू, मांस-मच्छी खाणे वाले पर इल्जाम ना लाए, किजोकी परमेश्वर ने तिन्हा दोन्नां जो अपणाए रा है।

रोमियों 2:27

हर इक्क मणू ने जिसेरा कदी खतना नी होया हो पर फिरी भी कानून जो मनदा हो, तुसा पर इल्जाम लाणा। हालांकि तुसा रा खतना भी होया ते तुसा का परमेश्वर रा कानून भी है पर तुसा फिरी भी तिसेरा पालण नी करदे।

1 कुरुन्थियों 14:11

पर जे अगर असी से भाषा ना समजे जिस बिच दुआ मणू असा कने गल्ल करेया करदा हो, तां असी तिस गल्ल करणे वाले मणू री नजर बिच परदेसी होणे, ते तिस भाषा बिच गल्ल करणे वाला मणू असा जो परदेसी लगणा।

2 कुरुन्थियों 11:27

मैहनत ते दुख अन्दर, घड़ी-घड़ी जागदे रैह्णे बिच ते भूख्ख-प्यास बिच भी रेया ते सर्दी बिच बगैर निग्गे कपड़े रे भी रेया।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

इब्रानियों 13:2

जिन्हा भी विश्वासियां कने तुसा पैल्ले ना मिल्ले रे होण, तिन्हा जो अपणे घर मेहमान बणाई करी तिन्हेरी सेवा पाणी करणा मत भूलदे। किजोकी इय्यां ही जाणे-अजनाणे बिच लोक्कां ने स्वर्गदूतां री भी मेहमान-नवाज़ी कित्ते री है।