प्रेरितां रे कम्म 27:2 - चम्बयाली नौआ नियम

² अद्रमुत्तियुम सहर रे इक्क जहाज पर जे एशिया प्रदेश रे कनारे री जगाह् पर जाणे वाला थिया, जहाज पर चढ़ी करी असी तित्ते का निकली गे, ते अरिस्तर्खुस नां रा इक्क थिस्सलुनीके सहर रा इक्क मणू मकिदुनिया प्रदेश असा कने थिया।

प्रेरितां रे कम्म 27:2 ပူးပေါင်းရင်းမြစ်များ

लूका 8:22

इक्क रोज इय्यां होया कि यीशु अपणे चेल्‍लेयां कने किस्ती पर चढ़े अते तिन्हा जो बोल्लेया, चलो, असी झील रे पार चलदे तां तिन्हा किस्ती खोली अते चली पे।

प्रेरितां रे कम्म 16:17

से पौलुस ते असा रे पीच्छे-पीच्छे आई करी लेरां मारणा लग्गी कि ए मणू परमप्रधान परमेश्वर रे सेवक हिन, जे तुसा लोक्कां जो छुटकारा रे रस्ते तांइ सुब बसेख सुणादे हिन।

प्रेरितां रे कम्म 17:1

फिरी पौलुस ते सीलास अम्फिपुलिस ते अपुल्लोनिया कस्बेयां का होई करी थिस्सलुनीके सहर बिच आये, जित्ते यहूदियां री इक्क सभास्थल थिया।

प्रेरितां रे कम्म 19:19

ते जादू-टोणा करणे वालेयां बिच का बड़े जणेया ने अपणी-अपणी कताबां इकठ्ठी करी के सारेयां रे सामणे फुक्की दित्ती, ते जा तिन्हेरी कीमत जोड़ी, तां पंजाह् हजार चाँदी रे सिक्केयां रे बराबर निकली

प्रेरितां रे कम्म 19:29

ते होर लोक्कां ने सारे सहर बिच बड़ी कहला रा शोर सुणी करी तिस भीड़ बिच मिली गे ते गयुस ते अरिस्तर्खुस मकिदुनिया प्रदेश जो, जे कि पौलुस रे कने सफर करेया करदे थिये पकड़ी लेया ते तिन्हा जो रंगशाला बिच लेई गे।

प्रेरितां रे कम्म 2:9

असी जे पार्थी प्रदेश, मेदी, एलामी, मेसोपोटामिया, यहूदियां, कप्पदुकिया, पुन्तुस ते एशिया।

प्रेरितां रे कम्म 21:5

जां से दिन पूरे होई गे, तां असी तित्ते का चली पे ते सबनां ने जनानियां अते निके-निक्केयां समेत असा जो सहर का बाह्र तांइ पूजाया ते असा ने कनारे पर जाह्न्नु रे भारे बेई करी प्रार्थना कित्ती

प्रेरितां रे कम्म 28:10

तिन्हा ने असा री बड़ा आदर कित्ता, ते त्रै महिन्ने बाद जिस बेल्ले असी चलणा लगे तां जे किच्‍छ भी असा तांइ जरुरी थिया, जहाज पर रख्खी दित्तेया।

प्रेरितां रे कम्म 28:12

सुरकूसा सहर अन्दर लंगर पाई करी असी त्रै रोज्जां तांइ टिकी रे।

प्रेरितां रे कम्म 28:16

जिस बेल्ले असी रोम सहर पूज्जे, तां पौलुस जो इक्क सैनिक रे कन्ने जे तिसेरी दिख-रिख्ख करदा थिया, किल्ले रैह्णे रा हुकम मिली गेया।

प्रेरितां रे कम्म 28:2

तिस टापू पर रैह्णे वाले लोक्कां ने असा कने बड़ा प्यार कित्तेया किजोकी तित्ते बड़ी बरखा ते ठण्ड थी, इधेरे तांइ तिन्हा ने आग्ग बाली करी असा सबणी जणेया जो रुकाई लित्ता।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।