प्रेरितां रे कम्म 26:9 - चम्बयाली नौआ नियम

⁹ मैं भी समजेया थिया कि नासरत कस्बे रे यीशु पर विश्वास करणे वालेयां रे खिलाफ मेरे जो मता किच्‍छ करणा चाएदा,

प्रेरितां रे कम्म 26:9 ပူးပေါင်းရင်းမြစ်များ

यूहन्ना 15:21

पर तिन्हा लोक्कां ने तुसा पर भी जुल्म करणा किजोकी तुसा मेरे चेल्‍ले हिन, किजोकी से परमेश्वर जो नी जाणदे जिस ने मेरे जो भेज्जे रा है।

प्रेरितां रे कम्म 21:13

पर पौलुस ने जवाब दित्तेया, तुसा करदे कै हिन कि रोई-रोई करी मेरा दिल तोड़ेया करदे हिन? मैं तां प्रभु यीशु तांइ यरुशलेम अन्दर ना सिर्फ कैद होणे तांइ पर तां मरणे तांइ भी तैयार है

प्रेरितां रे कम्म 22:3

मैं ता यहूदी मणू है, अते मेरा जन्म किलिकिया प्रदेश रे तरसुस कस्बे बिच होया पर इस सहर अन्दर गमलीएल रे पैरां रे नेड़े बिठाई करी पढ़ाया गे रा है, ते बब्ब-दाद्देयां री परम्परा मेरे जो ठीक तरिक्के कने सखाई गे री है मेरे अन्दर परमेश्वर तांइ बड़ा जोस थिया जिय्यां अज्ज तुसा अन्दर है

प्रेरितां रे कम्म 22:4

मैं मसीह बिच विश्वास करणे वाले लोक्कां जो इन्ना जादा तंग कित्तेया कि उन्हेरे प्राण तक लेई लै मैं जनानी अते मड़दा दोनां जो बन्नी करी जेला पाई दित्तेया।

प्रेरितां रे कम्म 22:8

मैं जवाब दित्तेया, “ओ प्रभु जी, तुसा कुण हिन?” तिन्हा ने मेरे जो बोल्लेया, मैं नासरत कस्बे रा यीशु है, जिस जो तू तंग करदा।

प्रेरितां रे कम्म 24:5

किजोकी असा ने इस मणू जो उधमी ते दुनिया रे सारे यहूदियां बिच दंगा कराणे वाला, ते नासरत अन्दर रैह्णे वालेयां रे कुपंथ रा प्रधान पाए रा है।

प्रेरितां रे कम्म 3:17

अवे ओ भाईयों, मैं जाणदा कि ए कम्म तुसा नासमझी बिच कित्ता, ते तिय्यां ही तुसा रे सरदारां ने भी कित्तेया,

प्रेरितां रे कम्म 3:6

तां पतरस ने बोल्लेया, : चाँदी ते सोन्ना तां मेरे का नी है, पर जे मेरे का है से तेरे जो दिंदा, नासरत रे यीशु मसीह रे नां कने उठ, ते चल-फिर।

प्रेरितां रे कम्म 9:1

शाऊल जे हल्ले तिकर प्रभु यीशु रे चेल्‍लेयां जो मारणे ते धमकाणे री धुन बिच थिया, प्रधान पुरोत्त का गेया।

प्रेरितां रे कम्म 9:16

ते मैं तिसजो दसणा कि लोक्कां बिच मेरा प्रचार करणे री वजह कने तिसजो कदेया-कदेया दुख चुकणा पैणा।

रोमियों 10:2

किजोकी मैं गवाई दिंदा कि तिन्हा लोक्कां बिच परमेश्वर तांइ जोस है, पर से मणू ए नी समजदे कि परमेश्वर री सेवा कुस तरिक्के कने करणी चाएदी।

फिलिप्पियों 3:6

ते मेरे अंदर इन्ना जोस थिया कि मैं कलीसिया जो तंग करणे वाला मणू थिया, ते यहूदी नियमां रे हिसाब कने इक्क धार्मिक मणू थिया किजोकी मैं हर कानून जो मनदा थिया।

1 तीमुथियुस 1:13

मसीह बिच विश्वास करणे पैल्ले तां मैं तिन्हेरी बुराई करदा थिया, विश्वासी लोक्कां पर जुल्म करी के बड़ी बेरहमी कने तिन्हेरा नुक्सान करदा थिया पर फिरी भी परमेश्वर ने मेरे पर दया कित्ती किजोकी मेरे जो नी पता थिया कि मैं जे करेया करदा है से गलत है किजोकी तिस बेल्ले तक मैं मसीह यीशु बिच विश्वास नी कित्तेया थिया।