प्रेरितां रे कम्म 26:8 - चम्बयाली नौआ नियम

⁸ तां पौलुस ने तित्ते खड़ित्ते सारे यहूदियां जो बोल्लेया, हालांकि तुसा मणू ए विश्वास करदे कि परमेश्वर मरी गेरे मणूआं जो जिन्दा करी दिन्दे, तां तुसा ए गल्ल किजो नी मनदे कि परमेश्वर ने यीशु जो मुर्देयां बिच का जिन्दा कित्ते रा है?

प्रेरितां रे कम्म 26:8 ပူးပေါင်းရင်းမြစ်များ

लूका 1:37

किजोकी परमेश्वर किच्‍छ भी करी सकदे।

लूका 18:27

तां यीशु ने जवाब दित्या, जे मणू का नी होई सकदा, से परमेश्वर का होई सकदा!

प्रेरितां रे कम्म 23:6

तां पौलुस ने ए जानणे का बाद कि तित्ते किच्‍छ सदूकी ते फरीसी मणू भी हिन, सभा बिच हक्क लाई करी बोल्लेया, ओ संगी विश्वासियों, मैं फरीसी है ते फरीसी लोक्कां रे टब्बर रा है, मुर्देयां रे फिरी जिन्दे कित्ते जाणे री गल्ल बिच आस रखणे री वजह कने मेरे पर मुकद्दमा होया करदा है।

प्रेरितां रे कम्म 25:19

पर से मणू अपणे ही मत ते कुसकी होर यीशु नां रे मणू रे बारे बिच बैह्स करेया करदे थिये जे मरी गेया थिया, ते पौलुस पर ए इल्जाम लाया करदे थिये से ए बोलदा कि यीशु फिरी जिन्दा होई गे रा है।

प्रेरितां रे कम्म 4:2

से अधिकारी मणू बड़े गुस्से होए किजोकी चेल्‍ले लोक्कां जो मरे रे लोक्कां बिच का जिन्दा करणा जिय्यां तिन्हा ने यीशु जो फिरी जिन्दा कित्तेया थिया।

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

फिलिप्पियों 3:21

तिन्हा ने अपणी तिस्सी ताकत कने जिस कने तिन्हा ने हर चीज पर अपणा काबू करी लैणा, असा रे कमजोर इन्सानी शरीरां जो बदली करी तिन्हा जो अपणे महिमामय सरीर सांई बणाई दैणा।