तां पौलुस ने ए जानणे का बाद कि तित्ते किच्छ सदूकी ते फरीसी मणू भी हिन, सभा बिच हक्क लाई करी बोल्लेया, ओ संगी विश्वासियों, मैं फरीसी है ते फरीसी लोक्कां रे टब्बर रा है, मुर्देयां रे फिरी जिन्दे कित्ते जाणे री गल्ल बिच आस रखणे री वजह कने मेरे पर मुकद्दमा होया करदा है।
इस इक्क गल्ल जो छड्डी करी जे मैं तिन्हेरे बिच खड़ी करी लेर मारी करी बोल्ली थी: परमेश्वर रे जरिए मुर्देयां रे फिरी जिन्दे होई जाणे रे बारे अन्दर अज्ज मेरा तुसा सामणे मुकद्दमा होया करदा है।
तां पौलुस ने तित्ते खड़ित्ते सारे यहूदियां जो बोल्लेया, हालांकि तुसा मणू ए विश्वास करदे कि परमेश्वर मरी गेरे मणूआं जो जिन्दा करी दिन्दे, तां तुसा ए गल्ल किजो नी मनदे कि परमेश्वर ने यीशु जो मुर्देयां बिच का जिन्दा कित्ते रा है?
मैं तुसा जो बोलदा, कि मसीह यीशु यहूदी लोक्कां रे दास रे रुप बिच आए, ताकि से ए ज़ाहिर करी सके कि परमेश्वर विश्वासयोग्य हिन, ते तिन्हा वादेयां जो पूरा कित्तेया, जे परमेश्वर ने तिन्हेरे पूरखां कने कित्ते थिये।
पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।
असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।