प्रेरितां रे कम्म 26:16 - चम्बयाली नौआ नियम

¹⁶ पर अवे उठी करी, अपणे पैरां पर खड़े होई जा किजोकी मैं तिज्जो इधेरे तांइ दर्शन दित्ता कि तिज्जो तिन्हा गल्लां रा भी सेवक ते गवाह ठैह्रां, जे तैं दिख्खियां, ते तिन्हा गल्लां रा भी, जिन्हा तांइ मैं तिज्जो दर्शन दैणा

प्रेरितां रे कम्म 26:16 ပူးပေါင်းရင်းမြစ်များ

लूका 1:2

यीशु री सेवकाई री सुरुआत रे बारे बिच से ही गल्लां लिख्खी जे तिन्हा ने तिन्हा लोक्कां का सुणी जिन्हा ने ए सब किच्‍छ अपणी हाख्खियां कने दिख्खेया थिया ते बाद बिच जे मणू मसीह रे सेवक भी बणी गे थिये।

प्रेरितां रे कम्म 1:17

किजोकी से ता असा बिच का इक्क थिया, ते इस सेवकाई बिच हिस्सेदार होया,

प्रेरितां रे कम्म 1:25

कि से इस सेवकाई ते प्रेरिताई रा हक्क लै, जिस जो यहूदा मरणे का बाद खाली छड्डी करी तिस जगाह् पर चली गेया जित्ते तिसजो अपणे कम्मां रे हिसाब कने होणा चाएदा।

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

प्रेरितां रे कम्म 21:19

तां तिनिए तिन्हा जो प्रणाम करी के, जे जे कम्म परमेश्वर ने तिसेरी सेवा रे जरिए गैर यहूदी अन्दर कित्ते रे थिये, इक्क-इक्क करी के सब दस्से

प्रेरितां रे कम्म 22:10

तां मैं बोल्लेया, ओ प्रभु जी, मैं कै करां? प्रभु जी ने मेरे जो बोल्लेया, अवे उठी करी दमिश्क कस्बे अन्दर जा ते जे किच्‍छ तेरे करणे तांइ ठैह्राया गे रा है, तित्ते तिज्जो दस्सी दित्तेया जाणा।

प्रेरितां रे कम्म 23:11

तिस्सी रात्ती प्रभु यीशु ने तिसेरे नेड़े खड़े होई करी बोल्लेया, ओ पौलुस, हिम्मत कर किजोकी जिय्यां तैं यरुशलेम अन्दर मेरी गवाई दित्ती, तिय्यां गवाई तिज्जो रोम अन्दर भी दैणा पैणी।

प्रेरितां रे कम्म 26:15

मैं बोल्लेया, ओ प्रभु जी, तुसा कुण हिन? प्रभु जी ने बोल्लेया, मैं यीशु है, जिस जो तू तंग करदा

प्रेरितां रे कम्म 6:4

पर असी तां प्रार्थना बिच ते वचन री सेवकाई बिच लग्गी रैह्णा।

रोमियों 1:5

ते मसीह रे जरिये, परमेश्वर ने असा जो प्रेरित बणने रा अनुग्रह ते हक दित्तेया, ताकि असी जगाह्-जगह गैर यहूदी लोक्कां जो से गल्लां दस्सी सकण, जे परमेश्वर ने तिन्हा लोक्कां तांइ कित्ते री हिन, ताकि से मणू मसीह पर विश्वास करण, ते तिन्हेरी शिक्षा जो मन्ने।

रोमियों 15:16

कि मैं गैर यहूदियां तांइ मसीह यीशु रा दास होई करी, परमेश्वर रे सुब बसेख री सेवा इक्क पुरोत्त सांई करां। ताकि मैं तुसा गैर यहूदियां जो पवित्रात्मा रे जरिये पवित्र कित्ते रे इक्क कुर्बानी सांई परमेश्वर जो चढां जिस कने से खुस हुंदे।

2 कुरुन्थियों 4:1

इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

2 कुरुन्थियों 5:18

ए सारी गल्लां परमेश्वर रे पास्से का है, जिन्हा ने मसीह यीशु रे जरिए असा रा अप्पु कने मेल जोल करी दित्ता, ते अप्पु कने लोक्कां रा मेल जोल करणे री सेवा असा जो सौंप्पि दित्ती।

गलातियों 1:12

किजोकी मेरे जो से असा रे मणू का नी मिल्लेया, ते कुसकी धर्म गुरु ने मेरे जो इसेरी शिक्षा नी दित्ते री है, पर मेरे जो से यीशु मसीह रे जरिये मिल्लेया, जां से मेरे पर प्रकट होए थिये।

गलातियों 2:2

ते मैं तित्ते इधेरे तांइ गेया किजोकी परमेश्वर ने मेरे जो जाणे तांइ बोल्लेया थिया, अते जे सुब बसेख मैं गैर यहूदी लोक्कां बिच प्रचार करदा थिया, तिसजो मैं एकांत बिच कलीसिया रे प्रधान मणूआं जो सुणाया ताकि जे कम्म मैं पैल्ले कित्ते थिये से बेकार नी ठैहरे।

इफिसियों 3:3

जिय्यां कि मैं पैल्ले ही घट शब्दां बिच तुसा जो दस्सी चुके रा है कि परमेश्वर ने से राज़ मेरे पर ज़ाहिर कित्ते रा है।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

कुलुस्सियों 1:25

इस कलीसिया तांइ मैं तुसा वास्ते परमेश्वर रे जरिये मेरे जो सौप्पि गे री सेवा तांइ इक्क दास रे रुप बिच चुणेया गे रा है, ताकि मैं परमेश्वर रे बसेख जो पूरे तरिक्के कने प्रचार करी सकां।

कुलुस्सियों 1:7

तुसा ने इसेरी शिक्षा इपफ्रास का पाई, जे मसीह रे बसेख जो फैलाणे बिच असा रा साथी है ते असा पास्से का मसीह रा विश्वासयोग्य सेवक है।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

1 तीमुथियुस 1:12

मैं असा रे प्रभु यीशु मसीह रा शुकर करदा कि तिन्हा ने मेरे जो ताकत दित्ती ते मेरे जो भरोस्सेमंद समजी करी अपणी सेवा करणे तांइ ठैहराया।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

2 तीमुथियुस 4:5

पर तू हर गल्ल बिच अप्पु पर काबू रख्खे, बड़े सबर कने सारी मुसीबतां जो सहन करी लेय। सुब बसेख रा प्रचार करणे तांइ तू कड़ी मैहनत करे, ते परमेश्वर रा सेवादार होणे रे नात्ते तू से सारे कम्म करे जिन्हा तांइ परमेश्वर ने तेरे जो चुणे रा है।