प्रेरितां रे कम्म 26:11 - चम्बयाली नौआ नियम

¹¹ हर इक्क सभास्थल अन्दर मैं तिन्हा जो सजा दुआई-दुआई करी यीशु री बेजती करान्दा थिया ते होर तां होर, लेर री वजह कने इदेया पागल होई गेया कि दूए सहरां अन्दर भी जाई करी तिन्हा जो तंग करदा थिया।

प्रेरितां रे कम्म 26:11 ပူးပေါင်းရင်းမြစ်များ

मत्ती 10:17

पर मणूआं का बची करी रेयो, किजोकी तिन्हा तुसा जो पंचायता बिच देई दैणा, अते तिन्हा तुसा जो अपणी सभास्थल बिच कोड़े मारणे।

मरकुस 13:9

“पर तुसा चुकन्ने रेयो, किजोकी जां ए सारी चीजां होणा सुरु होणी तां तुसा लोक्कां जो पकड़ी करी पंचायत बिच लेई जाया जाणा ते सभास्थल बिच मारेया-कुट्टेया जाणा, तुसा जो हाकमां ते राज्जेयां सामणे लेई जाया जाणा किजोकी तुसा मेरे चेल्‍ले हिन।” पर ए तुसा तांइ मौक्का होणा कि तुसा तिन्हेरे सामणे मेरी गवाई देई सको।

मरकुस 3:28

“मैं तुसा जो सच बोलदा कि मणूआं रे सारे पाप ते बेजती जे से करदे हिन, माफ कित्ती जाणी,

लूका 15:17

फिरी तिसजो अपणी गलती रा एहसास होया ते सोच्णा लगेया, कि मेरे प्यो का कम्म करणे वाले किन्ने ही मजदूर रज्जी करी रोट्टी खान्दे थिये, अते खाणे रे बाद रोट्टी बची भी जान्दी थी, ते मैं इत्ते भूखा मरेया करदा है।

लूका 21:12

पर इन्हा गल्लां रे होणे का पैले मेरे पीछे चलणे वालेयां मणूआं जो पकड़ी लित्तेया जाणा, तुसा पर मुसीबतां पैणी, तुसा जो यरुशलेम रे सभास्थल बिच लेई जाई करी तिन्हा का देई दैणा, अते तुसा जो जेला बिच ढप्पी दैणा, अते तुसा जो राज्जेयां (न्यायधिशाँ) कने राज्पालां का लेई जाणा।

लूका 6:11

ए दिख्खी करी, जे यीशु रे खलाफ़ थिये, से लैहरिये अते अप्पु-मिते ए बोलणा लगे कि यीशु कने कै कित्तेया जाये?

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

प्रेरितां रे कम्म 22:19

मैं बोल्लेया, ओ प्रभु जी, तिन्हा जो ता पता है कि मैं तुसा पर विश्वास करणे वालेयां जो जेल बिच पाई दिन्दा ते हर इक्क सभास्थल बिच कुटवांदा थिया।

प्रेरितां रे कम्म 22:5

इधेरे तांइ प्रधान पुरोत्त ते मन्दिर रे बुजुर्गां री पूरी महासभा इस गल्ल री गवाह है, कि तिन्हा का मैं यहूदी विश्वासियां रे नां री चीठ्ठियां लेई करी दमिश्क कस्बे जो जाया करदा थिया ताकि जे अगर तित्ते कोई मसीह बिच विश्वास करणे मणू होण, तां तिन्हा जो भी सजा दुआणे तांइ बन्नी करी यरुशलेम अन्दर लेई आं।

प्रेरितां रे कम्म 9:1

शाऊल जे हल्ले तिकर प्रभु यीशु रे चेल्‍लेयां जो मारणे ते धमकाणे री धुन बिच थिया, प्रधान पुरोत्त का गेया।

याकूब 2:7

ए से ही मणू हिन जे तुसा रे मसीह यीशु रे उत्तम नां री बुराई करदे।

2 पतरस 2:16

पर परमेश्वर ने बिलाम रे खोत्ते का गल्ल कराई करी बिलाम जो तिसेरे गलत कम्मां तांइ फटकार लुआई। हालांकि खोत्ते बोल्ली ता नी सकदे पर परमेश्वर ने खोत्ते का तिस बेल्ले गल्ल कराई जां बिलाम तिस पर बेई करी राज्जे का मिलणे तांइ जाया करदा थिया, ते तिसने तिस बेल्ले भविष्यद्वक्ता जो इक्क बेवकूफी वाला कम्म करणे का रोक्की लित्तेया।